လွမ်းမောမိသည့် နေ့ရက်လေးများ ( ၆ )

    ၇-နာရီကျော်တာတောင် ပတ္တနားမှာ နှင်း မကွဲသေးပါဘူး။ သီရိဓမ္မာ သောကမင်းကြီး တတိယသင်္ဂါယနာတင်ခဲ့တဲ့ အသောကာရုံ ကျောင်းတော်ရာကို ခဏ၀င် ကာလေ့လာ ဖြစ်ကြတယ်။ ကျောင်းတော် ၀င်းဟာ ကျယ်ကျယ်ပြန့်ပြန့် သာသာယာယာ ရှိပေမဲ့ ရှေးဟောင်း အမွေအနှစ်တွေကိုတော့ သိပ်မတွေ့ရတော့ပါဘူး။ အထင်ကရ အနေနဲ့ ကျောက်တိုင် အကျိုးအပဲ့ကြီးတစ်ခုကိုပဲ မြင်တွေ့ခဲ့ရပါတယ်။ 

     တကယ်တော့ ဒီနေရာဟာ သာသနာတော်အတွက် သိပ်အရေး ပါခဲ့တဲ့နေရာပါ။ ကြမ်းတမ်းတဲ့ စဏ္ဍာသောကမင်းကြီးကနေ တူတော်သူ ခုနှစ်နစ်သားကိုရင်နိဂြောဓကို ဖူးမြင်ရပြီး ဓမ္မာသောက မင်းကြီး ဖြစ်ခဲ့ပါတယ်။ အရှင်မောဂ္ဂလိပုတ္တတိဿ မထေရ်မြတ်ရဲ့ ဆုံးမမှုကို ခံယူကာ အဓမ္မ၀ါဒတွေကို ဖြိုခွင်းပြီး ဤနေရာမှာပဲ တတိယ သင်္ဂါယနာ တင်ခဲ့ကြတာပါ။ မထေရ်မြတ်လည်း အဘိဓမ္မာ ခုနှစ်ကျမ်းမှာ တစ်ကျမ်းအပါအ၀င်ဖြစ်တဲ့ ကထာဝတ္ထုကျမ်းကြီးကို ဘုရားရှင်ရဲ့ အကျဉ်းနည်းကို အကျယ်ချဲ့ကာ ဤနေရာမှာပဲ ဟောခဲ့ပါတယ်။ ဗုဒ္ဓသာသနာတော် ပြန့်ပွားဖို့အရေး ကိုးတိုင်းကိုးဌာနကို သာသနာပြုဖို့ အတွက် ဤကျောင်းတော်ကြီးကနေ စတင်စေလွှတ်ခဲ့တာပါ။
     “သုဝဏ္ဏဘူမိံ ဂန္တွာန ၊ သောဏုတ္တရာ မဟိဒ္ဓိကာ။” ဆိုတဲ့အတိုင်း မိမိတို့ မြန်မာနိုင်ငံကိုလည်း အရှင်သောဏ အရှင်ဥတ္တရတို့ သာသနာကို သယ်ဆောင်ခဲ့ကြပါတယ်။ သူတို့ရဲ့ ကျေးဇူးတွေကြောင့် မိမိတို့တစ်တွေ ဗုဒ္ဓရဲ့ တရားတွေကို သင်ယူ ကြားနာခွင့် ကျင့်ကြံခွင့်တွေ ရနေကြတာ မဟုတ်လား။ အခုတော့လည်း သမိုင်းကြောင်းတွေ ပြန်ပြောကြရင်တောင် ယုံနိုင်စရာ မရှိနိုင်လောက် တဲ့ နေရာတစ်ခုလိုပါပဲ။ အားလုံးဟာ သင်္ခါရတွေပဲလေလို့ နှလုံးသွင်းမိပါတယ်။
     ပတ္တနားကနေ ဝေသာလီကို ခရီးဆက်ခဲ့ကြပါတယ်။ ဝေသာလီမြို့ဟာ ဘုရားရှင်ခေတ်ကတော့ ထင်ရှားတဲ့မြို့တစ်မြို့ပါ၊ ဝေသာလီပြည် လိစ္ဆ၀ီမင်း တွေက သူတို့အတွက် ဝေစုရတဲ့ ဘုရားရှင်ရဲ့ ဓာတ်တော်တွေကို သိမ်းဆည်းထားတဲ့ ဓာတ်တော်တိုက်ကို ဦးစွာ ဖူးမျှော်ကြပါတယ်၊ ကျောက်ပြားတွေ ထူထူထပ်ထပ်နဲ့ ကျကျနနကို သိုမှီးထားတာပါ၊ ပတ်ဝန်းကျင်တစ်ဝိုက်ကိုလည်း ပန်းခြံကြီးတစ်ခုလို ပြင်ဆင်ထားလို့ သာသာယာယာရှိလှပါတယ်။ လိစ္ဆ၀ီမင်း များ ရေကစားရာ ရေကန်တော်ကို လည်း ပျော်မွေ့ဖွယ် မြင်တွေ့ခဲ့ရပါတယ်။

  ဒုတိယသင်္ဂါယနာတင်ခဲ့တဲ့ ဝေသာလီပြည် ၀ါလိကာရုံကျောင်းနေရာ ကို ဆက်လက် သွားရောက်ကြပါတယ်၊ အသောကမင်းကြီး တည်ထားခဲ့တဲ့ စေတီတော်ကြီး၊ တိုက်ထိပ်မှာ ခြင်္သေ့ရုပ်ကြီး ကြီးကြီးမားမားနဲ့ ကျောက်တိုက်ကြီး၊ အပြာရောင်သန်းနေတဲ့ရေတွေနဲ့ ပြည့်နေတဲ့ ရေကန်၊ စေတီဟောင်း အုပ်ခုံများစွာနဲ့ လေ့လာလို့ မကုန်နိုင်အောင်ပါဘဲ၊ သမိုင်းမှာ ကြီးကျယ်ခဲ့တဲ့ နေရာအဖြစ် ပုံရိပ်တွေက ညွှန်ပြနေပါတယ်။ ၀န်းကျင်တစ်ခုလုံးလည်း လှပအောင် ပြုပြင်ထားတာမို့ စိတ်ရွှင်းလန်းမှုကို များစွာ ဖြစ်စေပါတယ်။
     ဒုတိယ သင်္ဂါယနာတင်ရခြင်းရဲ့ အကြောင်းကတော့ သာသနာ နှစ်(၁၀၀) ပြည့်တဲ့အခါ ဝေသာလီပြည် ၀ဇ္ဇီပုတ္တက ရဟန်းတော်တွေက ၀ိနည်းတရားတော်တွေကို မိမိတို့စိတ်ကြိုက်ပြင်ဆင်ကြပါတယ်။ မအပ်စပ်တဲ့ ၀တ္ထု (၁၀)ပါးကိုလည်း အပ်စပ်တယ်လို့ ပြကြပါတယ်၊ ဒီလို ဖြစ်လာတဲ့အဓမ္မ အမှုတွေကို တားဆီးကာကွယ်ဖို့အတွက် အရှင်မဟာယသ အရှင်ရေ၀တ အမှုးပြုတဲ့ ရဟန္တာ ရ၀၀-တို့ဟာ ကာဠာသောကမင်းကြီးရဲ့ ချီးမြှောက်မှုကို ခံယူပြီး ဒီနေရာမှာ ဒုတိယသင်္ဂါယနာတင်ခဲ့ကြပါတယ်။
     ဘုရားရှင်လက်ထက်မှာတုံးက ဤဝေသာလီပြည်ဟာ ၇၇၀၀-သော လိစ္ဆ၀ီမင်းတို့ ဒီမိုကရေစီစနစ်နှင့် အလှည့်ကျ အုပ်ချုပ်ခဲ့ကြတာပါ၊ ကပ်ရောဂါဘေးကြီးဖြစ်တော့ ဘုရားရှင်ကိုယ်တိုင်ကြွရောက်ပြီး ရတနာ သုတ်ပရိတ်တော်ကို အရှင်အာနန္ဒာအား ဟောတော်မူခဲ့ပါတယ်၊ အရှင်အာနန္ဒာလည်း ဝေသာလီမြို့ တံတိုင်းသုံးထပ်အကြား လှည့်လည်ပြီး ပရိတ်ရွတ်ဖတ်ပေးရာ ကပ်ရောဂါလည်း ကင်းရှင်းပပျောက်သွားခဲ့ပါတယ်၊ ဘုရားရှင် ကြိမ်ဖန်များစွာ သီတင်းသုံးတော် မူခဲ့တဲ့ မြို့ဖြစ်ပြီး နောက်ဆုံးဝါကိုလည်း ဝေသာလီမြို့အနီးက ဝေဠုဝရွာမှာ ၀ါကပ်ကာ အာယုသင်္ခါရကို လွှတ်တော်မူခဲ့ပါတယ်၊ အခြားအထင်ကရ အနေနဲ့ စစ်သူကြီးမဟာလိ မွေးဖွားခဲ့တဲ့မြို့ ဖြစ်တယ်၊ အလှဘုရင်မ အမ္ဗပါလီ ကြောင့်လည်း ဤမြို့ဟာ ပိုပြီးထင်ရှားကျော်ကြားခဲ့ပါတယ်။
     ဝေသာလီကနေ ကုသိနာရုံကို ဆက်လက်ထွတ်ခွါခဲ့ကြတယ်၊ တစ်နေကုန် မောင်းရတဲ့ ခရီးပါ၊ နေ့ဆွမ်းအတွက်ကို ပတ္တနားကတဲက ဆွမ်းချိုမ့်နှင့် စီစဉ်ခဲ့ကြတယ်၊ အဝေးပြေးလမ်းဘေး တစ်နေရာက တစ်ဆိုင်တည်း ထီးထီးကြီးဖွင့်လှစ်ထားတဲ့ Reliance ဆိုတဲ့ စားသောက်ဆိုင်ကြီးမှာ နေ့ဆွမ်းဘုန်းပေးကြပါတယ်၊ တိဗက်ဘုရားဖူးတွေ ခရီးသည်တွေနဲ့ ပြည့်နေပါတယ်၊ သီးသန့်ခန်းယူကြပြီး ဆိုင်က စားသောက်စရာ အချို့မှာယူကာ ထည့်ယူလာတဲ့ ဆွမ်းဟင်းတွေနဲ့ ဘုန်းပေးကြတယ်၊ ဆွမ်းစားအပြီး ခရီးဆက်ကြရာ ညနေလေးနာရီခန့်မှာ ကုသိနာရုံကို ရောက်ရှိပါတယ်။

                                                                              သိမ်မွေ့ဦး (BHU)