အမေ ဘယ်လိုပဲ ချောသိပ်သိပ် ၊ သားအိပ်မှပျော်မယ် အမေရယ်......။

                  မြူမှုန်ကင်းတဲ့ တန်ဆောင်မုန်းလပြည့်ရဲ့ ညဥ့်နက် သုံးနာရီ အချိန်မှာ အရှင်လက်လက် အကောင်းပကတိကနေ ဒီအခြေနေမျိုးကို ရောက်သွားပါတယ် အမေ......... 

အမေပြောခဲ့တယ် မှတ်မိသေးလား "မတရားမှု့မှန်သမျှတွန်းလှန်ကြ"ဆိုတာမှတ်မိမှာပေ့ါအမေ.......

          အမေပြောခဲ့တာမဟုတ်လား "လုပ်ရဲတာ သတ္တိမဟုတ်ဘူး၊ ခံရဲတာသတ္တိ" ဆိုတာအမေ့စကားပါ အမေ...

              အခုတော့ အမေ့စကားကို သဲအူလှိုက်လှဲကြိုက်ခဲ့မိလို့ တနည်းအားဖြင့် အမေကို အားကျလို့ ပွဲတစ်ပွဲဆင်နွဲလိုက်တာ မျက်လုံးကန်းသူကန်း သေရာပါ ဒဏ်ရာရသူရနေတာ အမေ မျက်မြင် မဟုတ် ပါလား..... ဒီနေ့ အမေ ဦးဇင်းတို့ကို လာပြီးအားပေးဖော်ရလို့ ကျေးဇူးအထူးတင်ပါတယ်......

.         ဒါပေမယ့် သားတို့ကို ဒီမတရားမှု့အတွက် ဆန္ဒမပြပါနဲ့ နောက်ဆုတ်လိုက်ပါလို့ ဘယ်တော့မှ မပြောပါနဲ၊ အမေဘယ်လိုချော့သိပ်သိပ် ၊ သားအိပ်မှ ပျော်မှာပါ။ သားမအိပ်ချင်သေးဘူး အမေရာ၊ မတရားမှု့အတွက် သားတို့တတွေ ဆက်လက်တိုက်ပွဲဝင်အုန်းမှာပါ၊ အခု သားတို့တိုက်နေတဲ့ တိုက်ပွဲက ကြေးနီးစီမံကိန်းရပ်ဆိုင်းရေး အတွက် တစ်ခုတည်းမဟုတ်ပါဘူး။ စစ်အာဏာရှင်ဆန်တဲ့ လုပ်ရပ်မှန်သမျှကို တွန်လှန်ဖြိုဖျက်မှာပါ အမေ...........

.     အမေ...သား မအိပ်ချင်သေးဘူး။ လူထုတွေ ဆင်းရဲတယ်၊ ဒီအာဏာရှင်စနစ်ကြီး မပြုတ်ကျသရွှေ သားအိပ်ပျော်မှာမဟုတ်ဘူး။ 

အမေ...မှတ်မိမှာပေ့ါ...... သားတို့ စက်တင်ဘာတုန်းက အမေလွတ်မြောက်ဖို့အတွက် ဒီလိုပဲ လူထုနဲ့အတူ တိုက်ပွဲဝင်ခဲ့တာပါ။ အမေ့မျက်နှာလေးတောင် သားမြင်လိုက်ရသေးတယ်။ အဲဒီတုန်းက သားတို့က အမေ့ကို အားပေးတယ်၊ အခု သားတို့ကို အမေက အားပေးတယ်။ ဝမ်းသာပါတယ်အမေ..... သားတို့နဲ့ အမေဟာ ဘဝတွေ နေရာတွေ အဆင့်တွေ အသက်တွေသာ ကွာခြားပေမယ့်.... အာဏာရှင်စနစ်ကို ဖြုတ်ချတွန်လှန်တဲ့နေရာမှာ တူညီနေပါတယ်။ 

    အမေ တာဝန်ကျေပါတယ်.. သားတို့ ဆက်လက်ပြီး တာဝန်ထမ်းဆောင်ရအုန်းမှာဖြစ်တယ်အမေ........ အမေက သားထက် ပညာရှိပါတယ်....... အမေက တိုက်ပွဲဝင်ခဲ့တာ သားတို့ထက်တောင် စောသေးတယ် အမေဟာ စစ်သူကြီးပါ.... အခုမှ သားတို့က စပြီး အာဏာရှင်ကို တိုက်ရမယ်လေ၊ ဒါပေမယ့် ဘယ်လောက်ပဲတိုက်ပွဲတွေ ဝင်ခဲ့ဝင်ခဲ့ အမေတို့နဲ့သားတိြု့ ပည်သူတွေဟာ အမြဲတမ်းရှုံးနေတယ်မဟုတ်ပါလား....... အဲဒီရှုံးကျွေးတွေကို ပြန်ဆပ်ဖို့ သားတို့ အလုပ်လုပ်နေတယ်ဆိုတာ အမေနားလည်မှာပါ... 

   အမေ့ကို တစ်ခုမှာလိုက်ချင်တယ်အမေ............ သားတို့ကို ချစ်တယ်ဆိုရင် လက်ရှိကြေးနီးစီမံကိန်း မတရားမှု့အတွက် လွတ်တော်မှာဖော်ထုတ်ပေးပါလို့ သားတောင်းဆိုချင်ပါတယ်.......... အားကိုးစရာဆိုလို့ အမေတစ်ယောက်တည်းပဲရှိတယ်... 

    ဒါပေမယ့် အမေရာ သားမအိပ်ချင်သေးဘူး....... အမေ ဘယ်လိုချောသိပ်သိပ် ၊သားအိပ်မှ ပျော်မယ်..........ဆိုတာ အမေသိပါတယ်...... ........................................... 

(ကြေးနီးစီမံကိန်း ဆန္ဒပြပွဲမှာ ဘဝတွေပေးဆက်လိုက်ရတဲ့ ရဟန်းရှင်လူများအတွက် ခံစားချက်ကို တင်ပြလိုက်ပါသည်) (ခံစားတတ်တဲ့ နှလုံးသားတော့ရှိတယ် စာရေးစမရှိလို့ သတ်ပုံမှားရင်ခွင့်လွတ်ပါ) 
                                                        ထောက်စူး
( လက်ပံတောင်း တောင် အကြမ်းဖက် ဖြိူခွဲသည့်အတွက် အများနည်းတူ   ၀မ်းနဲကျေကွဲစွာ ခံစားရပါသည်။ ထို့ ကြောင့် ဖေ့ဘွတ်ခ် မှ တွေ့သော ရင်ကိုစိုက်ဝင်သည့် စာမူတစ်ခုအား မျှဝေလိုက်ပါသည်။ )

ရိုးသားဖြောင့်မတ်ခြင်းဖြင့် ဘ၀ကို ဂုဏ်ယူပါ..။

      ရိုးသားခြင်း ၊ဖြောင့်မတ်ခြင်း၊ တည့်မတ်ခြင်းဆိုတာဟာ လူတစ်ယောက် ရဲ့ တန်ဖိုးဖြစ်တယ်။ ရိုးသားဖြောင့်မတ်ခြင်းဆိုတဲ့ ဂုဏ်သိက္ခာကိုလည်း တန်ဖိုးထားရမယ်။ ဘယ်အလုပ်ကိုပဲလုပ်လုပ် ရိုးသားဖြောင့်မတ်တဲ့ ဂုဏ် ကို ရှေ့တန်းတင်ကြရမယ်။

        ဂုဏ်သတင်းကျော်စောမှုဆိုတာ ကိုယ်က လိုချင်ပြီး အတင်းလိုက်လို့ ရလေ့ရှိတဲ့ အရာမဟုတ်ပါဘူး။ အရိပ်လို လိုက်လေ ပြေးလေပါပဲ။  

         တကယ်တော့ ... ကျော်စောမှုဂုဏ်သတင်းဆိုတာ ပန်းဥယျာဉ်ထဲမှာ ပျံသန်း ကျက်စားနေတဲ့ လိပ်ပြာလေးတွေလိုပဲ ပန်းဥယျာဉ်မှာ ပန်းစုံ၊ အနံ့စုံရင် သူတို့ အလိုလိုလာပြီး ပျော်ကြတာပါပဲ။ လိပ်ပြာလေးတွေကို အတင်းလိုက်ဖမ်းလို့ အကျိုးမရှိပါဘူး။ ဒီလိုလှပတဲ့ လိပ်ပြာလေးတွေကို ကိုယ်ပိုင်ဖြစ်အောင်ဆိုပြီး အတင်း ပိုက်နဲ့ ဖမ်း၊ ပင်အပ်နဲ့ထိုးပြီး စက္ကူနဲ့ကပ်၊ မှန်သေတ္တာထဲ ထည့်ထားပြန်တော့လည်း ပန်းပွင့်ပ်ါမှာ ပျံသန်းနေသလို နှစ်လိုဖွယ်ရာ မဖြစ်တော့ပါဘူး။ ဒီတော့ ပန်းခြံထဲမှာ ပန်းမျိုးစုံစိုက်ထားရင် လိပ်ပြာလေးတွေဟာ တစ်သုတ် ပြီး တစ်သုတ် မပြတ်လာကာ ပျံသန်းမြူးတူးပြီး ဥယျာဉ်ရဲ့ အလှကျက်သရေကို တိုး စေမှာအမှန်ပါပဲ။ 

        ကျော်စောမှုဆိုတာကလည်း ဒီလိုပါပဲ ။ လိပ်ပြာလေးတွေ ပျော်စေတဲ့ ပန်းမန် စိုက် ပျိုးသလို ကိုယ့်ရဲ့ အရည်အချင်းတွေကို အမြဲတိုးတက်နေအောင် ရိုးရိုးသားသားနဲ့ ကြိုးပမ်းအားထုတ်နေရင် ကျော်စောမှုက ပန်းလိပ်ပြာဝဲသလို အမြဲရှိနေမှာပါပဲ ။ 

     ဒါပေမဲ့ ... ကျော်စောမှု ရှာဖွေတဲ့နေရာမှာ ရိုးသားဖြောင့်မတ်တဲ့နည်းနဲ့ ရှာဖွေဖို့တော့ လိုအပ်ပါတယ်။ ကိုယ့် ပညာအရည်အချင်းကို မှီပြီး ရအောင် ကြိုးပမ်းရတာကတော့ မြန် လည်းမမြန်ဘူး ၊ သက်သက် သာသာနဲ့လည်း ဘယ်တော့မှ ရလေ့မရှိဘူး ။ 

     ဘယ် အရာပဲဖြစ်ဖြစ် အထက်ကို ဆန်တက်ရရင် ခက်ခဲလေ့ရှိတာ သဘာဝပါ၊ ဂုဏ်သတင်း ကျော်စောမှုတစ်ခု ရဖို့ အတွက် မရိုးသားတဲ့ စိတ်နေစိတ်ထားနဲ့ ဖြတ်လမ်းနည်းကို အ သုံး မပြုဖို့ အရေးကြီးပါတယ်။

                                                                  (ဆရာမကြီး ဒေါ်ခင်မျိုးချစ်)

"ဗာရာဏသီ အလွမ်း"

ဘွားဘွားက
ကွမ်းနံ့ ထုံသင်း အာခံတွင်းနဲ့ 
 ပုံခင်းပြောပြ။

ကျွန်တော်က
 ကျောကအဖု တဖုနှစ်ဖု
အဖုထိုးပေး။

 ဗာရာဏသီအစချီလို့ 
 ဗြဟ္မာဒတ္တဘုရင် တင်မြှောက်မြဲပင်။


ဘီစီ အေဒီ 
ဘယ်ခေတ်ဆီကလဲ။ 

ဗာရာဏသီ 
ခုဘယ်ပြည်နေရာလဲ။ 

 ဗြဟ္မာဒတ္တဘုရင် 
နန်းစဉ်နန်းဆက်တွက်နိုင်ကြလား။

 မနုဿလူမှု သမိုင်းပြုသူ 
သုတေသီတို့  လိုက်လို့ မမီ 
ဘွားဘွားတည်တဲ့ ထိုတိုင်းပြည်။ ။ 
                 မောင်အောင်ပွင့်

အလွမ်းသင့် ဒေ၀ါလီ..။

     ဒေ၀ါလီတဲ့..။ ဗျောက်အိုးသံတွေ တ၀ုန်းဝုန်း တဒိုင်းဒိုင်းဖြင့် တစ်ညလုံး ဆူညံနေတော့သည်။ ကောင်းကင်ယံတစ်ခုလုံး တိုက်ပွဲဖြစ်နေကြသည့် အလား ထိန်းလင်းနေပေ၏။ ယနေ့ညတော့ အိပ်လို့ရမည် မထင်ပေ။ ဒေ၀ါလီရောက်တိုင်း အမိမြေက သီတင်းကျွတ်ပွဲကို လွမ်းမိသည်။ အမိမြေ၏ သီတင်းကျွတ်နှင့် ဝေးခဲ့သည်မှာ ငါးနှစ်တောင် တိုင်ခဲ့ပေပြီ။

                                                  တက္ကသိုလ် မိန်းဂိတ်..။

    ငယ်ငယ်တုံးက သီတင်းကျွတ်ရောက်လျှင် ဗျောက်အိုးတို့ ဖောက်ကာ ပျော်ရသည်။ ကြောက်တတ်သော မိန်းကလေးတို့အနီးနား ဖျောက်ဖောက်ပြီး ပြေးရသည်။ သူမတို့ ကြောက်ပြီး အော်လျှင် ကလေးသဘာဝ အပျော်ကြီး ပျော်နေတော့သည်။ အိမ်တိုင်းအိမ်တိုင်း ဆီးမီးတိုင်တို့ ထွန်းညှိကာ တာဝတိံသာမှ အမိကျေးဇူဆပ် အဘိဓမ္မာတရားဟောပြီး လူ့ပြည် သင်္ကဿနဂိုရ်သို့ ဆင်းလာသော မြတ်ဗုဒ္ဓကို ကြိုဆိုပူဇော်ကြသည်။ 

     ကျွန်ုပ်တို့ရွာတွင် သီတင်းကျွတ်လပြည့်နေ့ညရောက်တိုင်း ဆီမီးပဒေသာပင်ကို အက၊အခုံတို့ဖြင့် တစ်ရွာလုံး လှည့်လည်ကြပြီး ရွာဦးဘုန်းကြီးကျောင်းသို့ ဆီးမီး ပဒေသာနှင့် လှူဖွယ်တို့ကို သွားပို့ကြရသည်။ ထိုအချိန် ရွာထဲမှ လုံမပျိုများ အစွမ်းကုန် အလှပြင်ကြကာ ဆီးမီးပဒေသာပင်ကို ရွက်ကြသည်။ ပဒေသာပင်မှာ ငှက်ပျောတိုင်တွင် ပိုက်ဆံတို့ကို ပန်းလုပ်ကာ အလှဆင်ကြပြီး ဖယောင်းတိုင်တို့ကို ထွန်းညှိကြသည်။ ဖယောင်းမီးညိမ်းလျင် လုံမပျိုများ ဘေးတွင် ကပ်ပါလာကြသော လူပျိုများက ပြန်လည်ထွန်းညှိပေးကြသည်။ ရွာ သီတင်းကျွတ်ပွဲကို ကာလသားလူပျိုတိုင်း မဖြေမနေ ပျော်ရွှင်စွာ ဆင်နွဲကြသည်။ 

    ကျွန်ုပ်တို့ ကလေးတစ်သိုက်ကား ဗျောက်အိုးများ ဆူညံစွာ ဖောက်ကြသည်။ လှည့်လာရာတွင် ကပြဖျော်ဖြေသော တိုးရုပ်အကတွင် တစ်ယောက်ပြီး တစ်ယောက် ၀င်ကကြကာ ပျော်ကြရသည်။ ရွာသီတင်းကျွတ်ပွဲတွင် လူကြီးတွေလဲ မြတ်ဗုဒ္ဓကို ပူဇော်ရလို့ ပျော်ကြသည်။ အပျို လူပျိုတွေလဲ အလှပြကြရ၊ ရွာဓလေ့ နွဲကြရသမို့ ပျော်ကြသည်။ ကလေးတွေလဲ ဆော့ကြရလို့ ပျော်ကြသည်။ အရွယ်တန်းစား မရွေး ပျော်ကြရသည့် ရပ်ရွာသီတင်းကျွတ်ပွဲ လွမ်းမိပါတော့သည်။

 

   စစ်အစိုးရခေတ် ဗျောက်အိုးများ မဖောက်ရဟု တားမြစ်ပိတ်ပင်ထားသဖြင့် ဗျောက်သံများ မကြားရသည်မှာ ကြာခဲ့ပြီ။ ခုတော့ ခေတ်ပြောင်းခါစမို့ ခွင့်ပြုလေပြီလား မသိပေ။ ကျွန်ုပ်တို့ ရွာဓလေ့ရော ကျွန်ုပ်တို့ငယ်စဉ်ကကဲ့သို့ ပျော်စရာမှ ကောင်းသေးပါလေစ။ သာသနာဘောင်ရောက်ပြီးကတဲက ရွာသီတင်းကျွတ်နှင့် ဝေးခဲ့သည်မို့ နှစ်တွေကြာခဲ့လေပြီ။

 

                                 အဆောင်ရှေ့ ဖျောက်ကစားနေတဲ့ ကျောင်းသားတစ်စု..။      

           ရွာသီတင်းကျွတ်နှင့် ဝေးခဲ့သည်မှာ နှစ်အတန်ကြာခဲ့ပြီ။ အမိမြေ သီတင်းကျွတ်နှင့် ဝေးခဲ့သည်မှာ ငါးနှစ်စွန်းခဲ့ပြီ။ ခု အိန္ဒိယ ဒေ၀ါလီ( မီးထွန်းပွဲတော်) နှင့် ဆုံခဲ့သည်မှာ ငါးနှစ်ပြည့်ခဲ့ပြီ။ ဒေ၀ါလီ ပွဲတော် ဗျောက်သံဖောက်သည်မှာလည်း စစ်ပွဲဖြစ်နေသကဲ့သို့ ဆူညံလွန်းလှသည်။ သူတို့ ရိုးရာ သူတို့ ပျော်ကြမည်ဖြစ်သော်လည်း ကျွန်ုပ်အတွက်တော့ အမိမြေကို အလွမ်းပိုစေတော့သည်။ 

  တက္ကသိုလ်ကျောင်းသား ရဟန်းတော် တစ်ပါးအတွက် ဒေ၀ါလီပွဲတော်သည် သိပ်မဆက်စပ်လှသော်လည်း အမိမြေ အလွမ်းပြေအဖြစ် အဓိပတိလမ်းမကြီးပေါ် လမ်းလျှောက် ထွတ်ဖြစ်သည်။ ရာသီဥတုက ခပ်အေးအေး၊ ဆောင်းနှင်းတို့က ခပ်ဖွေးဖွေးမို့ လမ်းလျှောက်ရသည်မှာ ကဗျာပင် ဆန်နေသေးတော့သည်။ ကျောင်းဆောင်တို့တွင် တပ်ဆင်လှသော မီးရှုး မီးပန်းတို့၏ အလှကိုလည်း ငေးမောဖြစ်သည်။

    ဒေ၀ါလီအလှ ကျေနပ်အောင်ခံစားပြီး နေထိုင်ရာ နိုင်ငံတကာ   ကျောင်းသားဆောင်တို့ ပြန်လာခဲ့သည်။ အဆောင်ရှေ့ ကျောင်းသားတစ်ခု ဗျောက်ဖောက်ကာ ပျော်နေကြသည်။ ဒေ၀ါလီသည် အလွမ်းဓာတ်ခံရှိသော ကျွန်ုပ် နှလုံးသားကို လှုပ်ခတ်ခဲ့ပါပေ၏။ 
                                                               သိမ်မွေ့ဦး (BHU)

သာသနာတော်သုံးရပ်

     ဗုဒ္ဓဘာသာတွင် သာသနာတော် ၃-ရပ် ရှိသည်။ ယင်းတို့မှာ ပရိယတ္တိသာသနာ၊ ပဋိပတ္တိသာသနာ၊ ပဋိဝေဓသာသနာတို့ ဖြစ်ကြသည်။

             ဤတွင် ပရိယတ္တိ ဆိုသည်မှာ ပိဋကတ်စာပေ သင်ကြားမှု ဖြစ်သည်။ ပဋိပတ္တိ ဆိုသည်ကား အကျင့်တရား ဖြစ်သည်။ တနည်းအားဖြင့်-သမထဘာဝနာ၊ ၀ိပဿနာဘာဝနာ တို့ကို ကျင့်ကြံပွားများ အားထုတ်မှု ဖြစ်သည်။ 

        ပဋိဝေဓ ဆိုသည်မှာမူ-မဂ်တရား ဖိုလ်တရားတို့ကို ထိုးထွင်း၍ သိခြင်း ဖြစ်သည်။ ဤသာသနာတော် သုံးရပ်သည် ကျွန်းကိုင်းမှီ ကိုင်းကျွန်းမှီ-ဆိုသကဲ့သို့ အချင်းချင်း ဆက်နွယ် အကျိုးပြုနေကြသည်။

            ပရိယတ္တိသာသနာ တည်မှသာ မှန်ကန်သော ပဋိပတ္တိသာသနာ တည်ရှိနိုင်သည်။ မှန်ကန်သော ပဋိပတ္တိသာသနာကို အားထုတ်မှသာလျှင် ပဋိဝေဓသာသနာသို့ ဆိုက်ရောက်နိုင်သည်။ 

     ဥပမာ-ဆိုရသော် ပရိယတ္တိသည် သစ်ပင်၌ အမြစ်နှင့် တူသည်။ ပဋိပတ္တိသည် ပင်စည်၊ အကိုင်းအခက်နှင့် တူသည်။ ပဋိဝေဓသည် အသီးအပွင့်နှင့် တူသည်။ အမြစ်ခိုင်ခန့် ကောင်းမွန်များပြား သလောက် ပင်စည်အကိုင်းအခက် ကြီးမားသန်စွမ်းနိုင်သည်။ ပင်စည်အကိုင်းအခက် ကြီးမား သန်စွမ်းသလောက် အသီးအပွင့်တို့ ဖွံ့ဖြိုးထွားကျိုင်း၍ အနံ့ အရသာနှင့် ပြည့်စုံနိုင်သည်။ 

           ထိုဥပမာကဲ့သို့-ပရိယတ္တိသာသနာတည်းဟူသော အမြစ်ပြည့်စုံ ထင်ရှားစွာ တည်ရှိမှသာလျှင် ပဋိပတ္တိသာသနာတည်းဟူသော ပင်စည် အကိုင်းအခက်တို့ တည်ရှိနိုင်မည်။ မှန်ကန်သော ပဋိပတ္တိတည်း ဟူသော အကိုင်းအခက်ဖြစ်မှသာလျှင် ပဋိဝေဓတည်းဟူသော အသီးအပွင့်တို့ကို ရရှိသုံးဆောင်ကြရပေ မည်။ တနည်းအားဖြင့်-ပရိယတ္တိသာသနာသည် ကန်ပေါင်နှင့် တူသည်။ ပဋိပတ္တိသာသနာသည် ရေနှင့်တူသည်။ ပဋိဝေဓသာသာနသည် ကြာနှင့်တူသည်။ 

         ထိုဥပမာအရ ကန်ပေါင်ရှိမှ ရေတည်သည်။ ရေတည်မှ ကြာရှိနိုင်သည်။ ထို့ကြောင့် ကန်ပေါင်တည်း ဟူသော ပရိယတ္တိ မကျိုးမပေါက် မပျက်မစီးအောင် အားထုတ်ကြရမည်။ ကန်ပေါင်တည်းဟူသော ပရိယတ္တိ ကောင်းမွန်ခိုင်ခန့်သမျှ ကာလပတ်လုံး ရေတည်ရှိမည်ဖြစ်သည်။ ရေတည်းဟူသော ပဋိပတ္တိ ရှိနေသမျှ ကာလပတ်လုံး ကြာပန်းတည်းဟူသော ပဋိဝေဓသည်လည်း တည်ရှိနေမည် ဖြစ်ပေသည်။

          ဤကား ရွှေကျင်သာသနာပိုင် ဆရာတော်ကြီး ဖြစ်တော်မူခဲ့သော အဘိဓဇမဟာရဋ္ဌဂုရု ရွှေဟင်္သာ ဆရာတော်ကြီး (၁၂၅၅-၁၃၅၇) ဥပမာပြု၍ မိန့်တော်မူခဲ့သော အဆိုအမိန့်ဖြစ်သည်။ သို့ပါလျက်နှင့် ခံယူချက် လွဲမှားနေသူအချို့က ပရိယတ်ကို သင်ကြားနေဖို့ မလိုပါဘူး။ ပရိယတ်က မဂ်ဖိုလ်ရနိုင်တာ မဟုတ်ဘူး။ ပဋိပတ်ကမှ မဂ်ဖိုလ်ရနိုင်တာ-စသည်ဖြင့် ပြောဆိုနေကြသည်မှာ အလွန်ဝမ်းနည်းဖွယ် ဖြစ်သည်။ ထိုသူတို့ကိုယ်တိုင်လည်း မိမိတို့စကား ဘယ်သို့တိုင်အောင် ရောက်သွားသည်ကို ဉာဏ်ယှဉ်၍ ဆင်ခြင်မိပါမူ ၀မ်းနည်းမဆုံး ဖြစ်ရပေလိမ့်မည်။ 

      ရွှေဟင်္သာဆရာတော်ဘုရားကြီးက-ဘုရားရှင်ကိုယ်စား ထားတော်မူခဲ့သော သုတ္တန်၊ အဘိဓမ္မာ၊ ၀ိနည်း ဟူသည်မှာ ပရိယတ်ပင် ဖြစ်သည်။ဤပရိယတ်အတွင်းမှ လိုရာလိုရာ ပဋိပတ်တို့ကို ထုတ်ယူကျင့်ကြံ အားထုတ်ကြရသည်။ နှလုံးသွင်းကြရသည်။ ပွားများကြရသည်။ ပရိယတ်သည် ဘုရားအရာ၌ တည်သော ဆရာပေတည်း။ သော ဝေါ မမစ္စယေန သတ္ထာ-ဟူ၍ မိန့်တော်မူခဲ့ပြီ။

        ပရိယတ်တည်းဟူသော ဆရာကင်းသော ပဋိပတ်သည် မှားသော ပဋိပတ်သာ ဖြစ်သည်။ မှားသော ပဋိပတ်ကို အားထုတ်သော ပုဂ္ဂိုလ်သည် လမ်းမှားနေသောကြောင့် မဂ်ဖိုလ်ကို မရနိုင်ပေ။ တနည်းဆိုရ လျှင်-ပရိယတ်ဓမ္မက္ခန္ဓာတို့သည် ဘုရား၏ကိုယ်တော်စား ဘုရားများဖြစ်သောကြောင့် ပရိယတ်ကို ပယ်သော ပုဂ္ဂိုလ်သည် ဘုရားကိုပယ်သည် မည်တော့သည်။ ဘုရားကို ယုံကြည် ကိုးစားအားထားသော ပုဂ္ဂိုလ် မဟုတ်တော့ချေ-ဟူ၍ ဆိုဆုံးမတော်မူခဲ့သည်။ 

            ထို့ပြင် ရွှေဟင်္သာဆရာတော်ဘုရားကြီးက-ရဟန္တာ-ဟု ထင်ရှားကျော်စောခဲ့သော ဘုန်းတော်ကြီး ဦးသီလသည် ပဋပတ်အကျင့်ဖြင့်သာ နေသော အရှင်မြတ်ဖြစ်ပေသည်။ သို့ရာတွင် သာသနာအဓွန့်ရှည်စွာ တည်စေခြင်းငှါ သင့်လျော်သော အရည်အချင်းရှိ ရဟန်းတော်တို့ကို ရွေးချယ်ခဲ့သည်။ ထိုထိုမြို့ရွာတို့၌ ပရိယတ္တိ စာသင်တိုက်တို့ကို တည်ထောင်စေခဲ့သည်။ အားပေးတော်မူခဲ့သည်-စသည်ဖြင့်လည်း မိန့်တော်မူခဲ့သည်။ မှတ်သား သတိပြု ဆင်ခြင်ဖွယ်ပင်တည်း။

သာသနာပြုလုပ်ငန်းနှင့် ဒေသဓလေ့

     “ကိုယ့်ဝါဒကျယ်ပြန့်ထွန်းကားစေချင်ရင် သူ့ဝါဒ သူ့ဓလေ့ကို မထိပါးမပုတ်ခတ်ရဘူး”             

                                                                               ဆရာတော်အရှင်သေဋ္ဌိလ

       ဒေးဒရဲမှာပြုလုပ်တဲ့ အရှင်အာဒိစ္စ၀ံသ အထိမ်းအမှတ်ပွဲမှာ နေ့ခင်းပိုင်းစကားဝိုင်းပြန်စတော့... ဒေးဒရဲ ကွင်းကျောင်းဆရာတော်က ဆရာတော် အရှင်သေဋ္ဌိလကို... “ဆရာတော်... ဒီမှာအခုရောက်လာကြတဲ့ ရဟန်းငယ်တွေထဲမှာ တချို့က ပြည်တွင်းမှာ ကိုယ်စွမ်းနိုင်ရာရာက သာသနာပြုနေကြတာလဲ ရှိတယ်။ တချို့ကလဲ ဆရာတော်လိုပဲ တစ်ချိန်မှာ နိုင်ငံခြားတိုင်းပြည်တွေအထိ သာသနာပြုကြဖို့ ရည်ရွယ်ကြိုးစားနေကြတာလဲ ရှိတယ်။ သူတို့တွေ မှတ်သားနည်းယူဖို့ ဆရာတော်ရဲ့ ကမ္ဘာသာသနာပြု အတွေ့အကြုံကိုလဲ မိန့်ကြားပါဦး” လို့ လျှောက်ထားပါတယ်။ 

  ဆရာတော်ကြီးက... “သာသနာပြုတယ်ဆိုတာ ကိုယ့်ဝါဒ ကျယ်ပြန့်ထွန်းကားအောင် လုပ်တာပဲ၊ အရေးကြီးတာက ကိုယ့်ဝါဒ ကျယ်ပြန့်ထွန်းကား စေချင်ရင် သူ့ဝါဒ သူ့ဓလေ့ကို မထိပါး မပုတ်ခတ်ရဘူး။ ဘယ်နိုင်ငံ ဘယ်ဒေသ ဘယ်လူမျိုးမှာ မဆို သူတို့ရဲ့ မိရိုးဖလာ အယူဝါဒ ဓလေ့ထုံးစံဆိုတာရှိတယ်။ ဒါတွေကို အလကား မိစ္ဆာဝါဒတွေ ရူးကြောင်ကြောင်အလုပ်တွေ ဆိုတဲ့ ပုံစံမျိုးနဲ့ မစော်ကားမိဖို့ အရေးကြီးတယ်။

      မြတ်စွာဘုရားပွင့်တော်မူလာတဲ့ အချိန်က မဇ္ဈိမဒေသဆိုတဲ့ အိန္ဒိယမှာ ၀ါဒစွဲ၊ အမျိုးဇာတ်စွဲ၊ ဓလေ့ထုံးစံစွဲတွေ ရှုပ်ထွေးနေတာပေါ့။ ဒီကြားထဲမှာ ဘုရားရှင် ဘယ်လိုသာသနာပြုတော်မူသွား တယ်ဆိုတာ မျက်ခြေမပြတ်စေနဲ့၊ လေ့လာရတယ်။ အတုယူရတယ်၊ ဘုရားသာသနာပြုမယ့် ပုဂ္ဂိုလ်က ဘုရားကို အတုယူကျင့်သုံးမှပေါ့။ အရှင်ဘုရားတို့ ၀ိနည်းသိက္ခာပုဒ်တွေထဲမှာ မြတ်မနှုတ်ရ၊ သစ်ပင် မခုတ်ရဆိုတာမျိုးတွေ တွေ့တယ် မို့လား၊ ဒါတွေဟာ လောကအနေနဲ့ ကြည့်ကြည့်၊ ဓမ္မအနေနဲ့ ကြည့်ကြည့် အကုသိုလ်လို့ ပြောစရာ ဘာရှိလို့တုန်း၊ ဒါပေမယ့် မြတ်စွာဘုရားက ‘အဲဒါတွေကို မလုပ်ရ’ လို့ ဘာလို့ ပညတ်ထားသလဲ၊ အကျိုးမရှိဘဲနဲ့ မပညတ်ဘူး၊ အကျိုးရှိလို့ ပညတ်တာ” “အဲဒီခေတ်မှာ တချို့လက်ခံစွဲလမ်းထားတဲ့ ဓလေ့စွဲ တစ်ခုက သစ်ပင်ကို ခုတ်ထစ်တာဟာလဲ ဣနြေ္ဒတစ်ခုရှိတဲ့ သတ္တ၀ါကို ညှင်းဆဲတာပဲ လို့ မှတ်ယူထားကြတာ။ အဟိံသာ ပရမောဓမ္မာ၊ မညှင်းဆဲခြင်းသာ အမြတ်ဆုံးတရား ဆိုတာ ဒီလို အယူအစွဲရှိသူတွေရဲ့ လက်သုံးစကားပေါ့။ ဒါကို ဖောက်ဖျက်ကျူးလွန်ရင် လူယဉ်ကျေးလို့တောင် စာရင်းမသွင်းဘူး။ 

         ဒါကြောင့် မြတ်စွာဘုရားက ကိုယ့်ဝါဒ မကျယ်ပြန့် မထိရောက်သေးဘဲ သူ့ဝါဒနဲ့ ဆန့်ကျင်ဘက် လုပ်လိုက်ရင် ကိုယ့်စကားကို နားထောင်မယ့်သူတောင် ရှိမှာမဟုတ်လို့ သူ့ဝါဒနဲ့ မဆန့်ကျင်အောင် ဒီသိက္ခာပုဒ်တွေကို ပညတ်တာ။ ဒါကို ပညတ်လိုက်လို့ ကိုယ့်ဝါဒမှာလဲ ဘာမှ ထိခိုက်နစ်နာစရာ အကြောင်းမရှိဘူး။ ဒါကို သဘောပေါက်ဖို့ အရေးကြီးတယ်” လို့ မိန့်ကြားပါတယ်။ 

         နတ်မှီတောရ ဆရာတော်ကြီးကတော့... “အယူဝါဒ ဓလေ့ထုံးတမ်းဆိုတာ မှန်တာ မှားတာ အပထား။ သူတို့က ဦးထိပ်မှာထားပြီး လေးစားကိုးကွယ်နေကြ တာ ဆိုတော့ ဒါကို ထိပါးပုတ်ခတ်လိုက်ရင် ဦးခေါင်းကို ထိပါးပုတ်ခတ်တာထက် နာကြဉ်းတတ်တယ်။ ဒါဟာ ဘာသာဝါဒ တိုင်းမှာ ဖြစ်တတ်တဲ့ သဘာဝပဲ။ ဘယ်ဝါဒနဲ့မှ ထိပ်တိုက်မတိုးရဘူး။ 

   ပိဋကတ်တော်တွေထဲမှာ မြတ်စွာဘုရားက... အဲဒီခေတ်က ဂိုဏ်းဆရာကြီးတွေ အပေါ် ပြောဆိုသုံးစွဲတဲ့ ဝေါဟာရတွေကို ကြည့်ပါလား။ တိတ္ထိကြီးတွေ၊ မိစ္ဆာ၀ါဒီကြီးတွေလို့ ဒီလို ရင့်ရင့်သီးသီး မသုံးဘူး။ သာမညဖလသုတ်မှာ ပါတယ်မို့လား၊ ဂိုဏ်းဆရာကြီးတွေကို ခေါ်ဆိုတဲ့ ဝေါဟာ ရတွေလေ။ ‘သင်္ဃီ= အပေါင်းအစုခေါင်းဆောင်။ ဂဏီ= ဂိုဏ်းရဲ့ခေါင်းဆောင်။ ဂဏာစရိယော= ဂိုဏ်းဆရာ။ ဉာတော= ထင်ရှားကျော်ကြားသူ။ ယသဿီ= အခြံအရံအသိုင်းဝိုင်းရှိသူ။ တိတ္ထကရော= အယူဝါဒကို ပြုတတ်သူ။ သာဓုသမ္မတောဗဟုဇနဿ= လူအများက သူတော်ကောင်းလို့ သတ်မှတ်ထားသူ’ ဆိုတာတွေဟာ ဘုရားလက်ခံ သုံးစွဲတဲ့ ဝေါဟာရတွေ ဖြစ်လို့ ပိဋကတ်မှာ ထည့်သွင်းပြီး သင်္ဂါယနာ တင်ထားတာတွေပေါ့။ ဒါတွေဟာ မြတ်စွာဘုရားရှင်ရဲ့ သူတော်ကောင်း စိတ်ထားကို ဖော်ပြတဲ့ စကားတွေပဲ။ သူတော်ကောင်းဆိုတာ ဘယ်တော့မှ သူတစ်ပါးကို ထိပါးပုတ်ခတ် မပြောဘူး” လို့ ဖြည့်စွက်ပြောပါတယ်။

      ဒေးဒရဲကွင်းကျောင်းဆရာတော်ကြီးကတော့ ဆေးပညာလဲ နားလည်ကျွမ်းကျင်တာဆိုတော့... “လူမမာဆေးကုရသလိုပေါ့ ဘုရား၊ အပူလွန်တယ်ဆိုပြီး ဆန့်ကျင်ဘက်ဆေးအေးတွေ တွန်းတိုက်လိုက်ရင် တစ်ခါတည်း လူမမာငန်းဖမ်းပြီး သေသွားတတ်တယ်။ တဖြည်းဖြည်းချင်း ဆေးချက်သွင်းရတယ်။ ကိသာဂေါတမီကို မြတ်စွာဘုရားက... တရားဆေးနဲ့ ကုသလိုက်ပုံကြည့်ပါလား။ သားသေကို ဆေးကုပေးဖို့ ဆိုတာဘယ်လိုမှ မဖြစ်နိုင်တဲ့ ကိစ္စပဲ။ ဒါပေမယ့် ဟိုက အားကိုးတကြီးနဲ့ လာတာ။ သောကမီး ကလဲ တောက်နေတာ။ တရားဟောလိုက်ရင်လဲ သောကပူနဲ့ တရားအအေးနဲ့ ဖြောင့်ဖြောင့်ဆန့် ကျင်နေတော့ အကျိုးမရှိတဲ့အပြင် တရားကို ကလန်ကဆန် လုပ်မိလို့ ဓမ္မန္တရာယ် ဖြစ်ဦးမယ်။ သေသူဆိုတာ ကုလို့ ရတာမျိုးမဟုတ်ဘူး လို့ တိုက်ရိုက်ကြီး ပြောလိုက်ပြန်လဲ အပူမီးတောက်နေသူ အတွက် နေပူက လာသူကို အရိပ်ကနေ ဆီးကန်လွှတ်သလို ဖြစ်သွားမှာ။ ဒီတော့ မြတ်စွာဘုရားက သူ့အပူသူ ငြိမ်းနိုင်အောင် ပရိယာယ်နဲ့ အိမ်က မုန်ညင်းစေ့ ရှာခိုင်းတယ်။ မရတော့ ‘သေတယ်ဆိုတာ အိမ်တိုင်းနဲ့ ဆိုင်တဲ့ တရားပဲ’ လို့ သဘောပေါက်ပြီး သောကအပူအေးသွားတော့မှ တရားရေအေးတိုက် ကျွေး လိုက်တော့ အနာနဲ့ဆေး တစ်ခါတည်းကိုက်ပြီး အရိယာ ဖြစ်သွားသလိုပေါ့။

      မြတ်စွာဘုရားရှင်ရဲ့ ဒီလို နည်းပရိယာယ်မျိုးကို လေ့လာအတုယူရမှာပေါ့” လို့ ကောက်ချက်ချပြပြီး စကားဝိုင်းကို ရပ်နားလိုက်ပါတယ်။ “နာတိမညေထ ကတ္ထစိ နကိဉ္စိ= ဘယ်အရပ်မှာ မဆို ဘယ်လို ပုဂ္ဂိုလ်တစ်စုံ တစ်ယောက်ကိုမျှ မထီမဲ့မြင် မပြုပါစေလင့်”

                                                                           ဓမ္မဘေရီ အရှင်ဝိရိယ