ဖေ့(စ်)ဘွတ်(ခ်)ကွန်ရက် ခေတ်စားလာသည်အမျှ ဆက်သွယ်ရေး စနစ်တို့ သွက်လက် မြန်ဆန်လာသည်။ ကမ္ဘာ့ အနောက်ဖျားတွင် သာသနာပြုနေသော ဗုဒ္ဓဘာသာ ရဟန်းတော်တို့၏ သာသနာရေး ဆောင်ရွက်ချက်တို့ကို အချိန်နှင့် တပြေးညီ ဖူးမြှင်ခွင့်ရသည်။ ကမ္ဘာ့ အရှေ့ဖျား နှင့် အနောက်ဖျား အချင်းချင်း ဆွေးနွေးတိုင်ပင်ကြကာ သာသနာပြု လုပ်ငန်းတို့ကို ပူးပေါင်းဆောင်ရွက်နိုင်သည်။ ကမ္ဘာကြီးတွင် လတ်တလော ဖြစ်ပေါ်နေသော စီးပွားရေး ၊ နိုင်ငံရေးစသော သတင်းတို့ကို မိနစ်ပိုင်းအတွင်း တွေ့မြင်ခွင့် ရသဖြင့် အကျိုးများလှပေသည်။
သုံးစွဲသူ၏ ဖေ့စ်ဘွတ်ခ်အကောင့်တစ်ခုတွင် သူငယ်ချင်းများစွာ လက်ခံခွင့် ရှိသဖြင့် ဖိတ်သမျှတိုင်းကို လက်ခံမိတတ်သည်။ ထိုအခါ မသမာသူများက မိမိ ဖေ့စ်ဘွတ်စ် အကောင့်၏ wallပေါ်တွင် မကောင်းသောပုံ၊ ဗီဒီယိုများ Tagလုပ်ကာ တင်သွားတတ်သဖြင့် အရှက်ရစရာများ ကြုံတွေ့ကြရသည်။ ဗိုင်းရပ်စ်ဖိုင်တို့ကိုလည်း တင်ပေးတတ်သည်။ နည်းစနစ်တို့ တိုးတက် ပြောင်းလဲလာသည်နှင့်အမျှ အကောင်းနှင့် အဆိုးတို့ ဒွန်တွဲလာကြသည်မှာလည်း ဓမ္မတာပင်။ အဆိုးတို့ကို စွန့်ပယ်ကာ အကောင်းတို့ကို များစွာ ယူတတ်အောင် လေ့လာ သုံးစွဲကြရပေမည်။
ဤအရှင်လည်း ဖေ့စ်ဘွတ်စ် သုံးစွဲနေရင်းက ထူးခြားစွာ ကံစမ်းမဲ ပေါက်ခဲ့သည်။ ကံစမ်းမဲကား သိန်း (၁၅၀၀) ကဲ့သို့ မက်မောလောက်စရာ ကံစမ်းမဲတော့ မဟုတ်ပေ။ မေးခွန်းများဖြင့် နှိတ်ကွက်မေးမြန်းပြီး စိတ်ရှုပ်စေသော ကံစမ်းမဲဖြစ်၏။ တစ်နေ့သ၌ စာအုပ်များ လွယ်အိပ်ထဲထည့်ပြီး ကျောင်း သွားရန် ပြင်ဆင်ကာ အသင့်ဖွင့်ထားသော အင်တာနက်ကို ပိတ်ရန် ကွန်ပျူတာရှေ့ ထိုင်လိုက်၏။ ထိုအခိုက် John Smithas ဟူသော အကောင့်ပိုင်ရှင်က မေးခွန်းတစ်ခု မေးချင်လို့- ဟုဆိုကာ တောင်းဆိုလာ၏။ သူ့အကောင့်ကို ဖွင့်ပြီး Albums ဓာတ်ပုံများကို ကြည့်သောအခါ ကိုရင်နှင့် ရဟန်းတော်ပုံတို့ကို အင်တာနက်မှ ကူးယူပြီး တင်ထားသည်ကို တွေ့ရ၏။ ရဟန်းတစ်ပါးဟု ထင်မှတ်ပြီး အချင်းချင်း အားနာသဖြင့် အကြောင်းမပြတော့ဘဲ မေးရန် ခွင့်ပြုခဲ့သည်။
“အရှင်ဘုရား တပည့်တော် တစ်ခုလောက် လျှောက်တင်ချင်လို့”
“မှန်ပါ၊ မိန့်ပါဘုရား”
“တပည့်တော်တို့ရဲ့ အရှင်ဂေါတမ မြတ်စွာဘုရားက မိန်းမ ဘယ်နှစ်ယောက် ယူခဲ့တာလဲ ဘုရား။”
“ယသော်ဓရာ အမှုးရှိသော မောင်းမပေါင်း ရှစ်သောင်းလေးထောင်လို့ဆိုပါတယ်။”
“အဲဒီလောက်တောင်ယူခဲ့တာလား။ အဲဒါဆို မိုဟာမက် ထက် ပိုများခဲ့တာပေါ့။”
“မဟုတ်ပါဘူး၊ ယသော်ဓရာ တစ်ယောက်ထဲပါ၊ အခြား ရှစ်သောင်းလေးထောင်က ယသော်ဓရာ ကို ခြံရံရတာပါ၊ ဒါနဲ့ ဘုန်းကြီးလား ဒကာလား မသိဘူး။”
“ဘုန်းကြီးပါ၊”
“အော် တင်ပါ ဘုရား။ ”
“သုမိတ္တာနဲ့ သူ့သားတော်ပုတ္တကရော အရှင်ဘုရား၊ သူကလည်း ဂေါတမရဲ့ ဇနီး ဖြစ်တယ်လို့ ကျမ်းမှာ ဆိုထားပါတယ်။ သုမိတ္တာ နဲ့ သူသားတော်ပုတ္တက ကော။ ”
“တပည့်တော် တစ်ခါမှ မတွေ့ဘူးသေးဘူး အရှင်ဘုရား၊ ဘယ်ကျမ်းက တွေ့တာလဲ၊ ကျမ်းနာမည် ပြောပြပါလား၊”
“ဗုဒ္ဓဝင် အကျဉ်းချုပ်နှင့် ဒီဃနိကာယ် ကျမ်းမှာပါဘုရား၊ အဲဒီမှာ မိန်းမငါးယောက် ယူထားတယ်လို့ ရှင်းပြထားတယ်ဘုရား။”
“တပည့်တော် အရှင်ဘုရား ခုပြောပြတဲ့ကျမ်းတွေ သင်ဘူးတယ်၊ တပည့်တော် တစ်ခါမှ မတွေ့ဖူးသေးဘူး၊ စာမနံ့တာလဲ ဖြစ်မယ်ထင်တယ် ၊”
၁။ ယသောဓရာ နှင့် သားတော် ရာဟုလာ။
၂။ သုမိတ္တာ နှင့် သားတော် ပုတ္တ။
၃။ ကဉ္စန နှင့်သားတော် ဥပရောဂ။
၎။ မင်္ဂလ နှင့် သားတော် သင်္ဃာဝရ။
၅။ မလ္လိကာ နှင့် သားတော် ဇာတိဝရ။
“အော် အရှင်ဘုရား။ ခု ဟာက မဟုတ်သေးဘူး ထင်တယ်၊ မဟာယာနကျမ်းကလား မသိဘူး ၊ မဟာယာနကျမ်းဆိုရင် တပည့်တော် မသိဘူး။ တပည့်တော်တို့ ထေရ၀ါဒကျမ်းမှာတော့ မတွေ့ဘူးသေးဘူး။
မလ္လိကာကတော့ နှစ်ယောက်တောင် ရှိတယ်၊ ဗန္ဓုလ စစ်သူကြီး မယားလဲ မလ္လိကာပဲ၊ သူမကတော့ သားပေါင်း ၃၂-ယောက် ရှိတယ်။ သာဝတ္ထိပြည်၊ ပသေနဒီ ကောသလမင်းကြီးရဲ့ မိဘုရားကြီးကလဲ မလ္လိကာပါ။ မလ္လိကာ နှင့် သားတော် ဇာတိဝရ ဆိုတာကိုတော့ မတွေ့ဘူးသေးပါဘုရား။”
“တင်ပါ့ဘုရား။”
“အရှင်ဘုရားရေ ခု အရှင်ဘုရား ပြောတာတွေ တွေ့ရတာ အဆန်းတွေချည်းပဲ၊ တပည့်တော် သင်္ကန်းသစ် အနှစ် ၂၀ ကျော်ပါပြီ ၊ ဒါပေမဲ့ ခုဟာတွေတော့ မတွေ့ဘူးသေးပါဘုရား။”
“နိဗ္ဗာန်ကို ဘယ်သူဖန်တီးထားတာလဲ (သို့) ဘယ်သူဖန်ဆင်းထားတာလဲ..၊”
“နိဗ္ဗာန်ဆိုတာ ဖန်တီးရတဲ့ အရာမဟုတ်ဘူး၊ ဖန်ဆင်းရှင်ဆိုတာ ထေရ၀ါဒမှာ မရှိဘူး၊ စတုမဂ္ဂဥာဏေန သစ္ဆိကာတဗ္ဗံ မဂ္ဂဖလာနမာရမ္မဏဘူတံ-မဂ်ဥာဏ် လေးပါးဖြင့် မျက်မှောက်ပြုထိုက်သော မဂ်ဖိုလ်တို့၏ အာရုံဖြစ်တဲ့ နိဗ္ဗာန်လို့ သင်္ဂြိုဟ်မှာ ဆိုထားတာပဲ။ အရှင်ဘုရားလဲ သိပြီးသားပါဘုရား။”
“တင်ပါ့ဘုရား။ သတ္တ၀ါတွေကို ဘယ်သူက ဖန်တီးတာလဲ။”
“ကိုယ် ပြုလုပ်တဲ့ ကံတရားက ကိုယ့်ကိုယ်ကို ပြန်ဖန်တီးတာပါ။ ”
“တင်ပါ၊”
“ဒီလိုဆိုရင် ကိုယ့်ကံကိုယ် မဖန်တီးကြဘဲ မြတ်စွာဘုရားကို ဘာလို့ ကိုးကွယ် ကြတာလဲ ဘုရား။ နောက်ပြီး တစ်ခုလျှောက်ချင်တာ မြတ်စွာဘုရားက ဗောဓိညောင်ပင်အောက်မှာ ဆုတောင်းခဲ့သေးတယ်၊ အဲဒါကရော ဘယ်သူ့ကို ဆုတောင်းတာလဲဘုရား။ ဆရာတော်ဘုရာ့ မိန့်တော်မူပါဦး။”
“မြတ်စွာဘုရားကို ကိုးကွယ်တယ်ဆိုတာ သူတော်ကောင်းတရားတွေကို ဖော်ထုတ်ပြီး ကျင့်စဉ်တွေ ပြောပြပေးခဲ့တဲ့ အနှိုင်းမဲ့ ဗုဒ္ဓအနေနဲ့ ကိုးကွယ်တာပါ၊ သူကိုယ်တိုင်လဲ သူ့ကိုယ် ယုံပါ၊ ကိုးကွယ်ပါလို့ တစ်ခါမှ မဟောဘူး။ ကမ္မံ သတ္တေ ၀ိဘဇတိ- သတ္တ၀ါတွေကို ကံတရားက ဖန်တီးတယ်လို့ ဟောပါတယ်။ နောက်ပြီး ကိုယ့်ကံကို ဖန်တီးရမယ်လို့ပဲ ဟောပါ တယ်၊ ဗောဓိပင်အောက်မှာ မြတ်ဗုဒ္ဓ ဆုတောင်းခြင်း လုံးဝ မရှိပါဘူး၊ ယဒါ ဟဝေ ပါတုဘ၀န္တိ ဓမ္မာ-စတဲ့ ဂါထာတွေနဲ့ ဥဒါန်းကျူးရင့်တာပဲ ရှိပါတယ်။ ဆုတောင်းစရာလဲ မလိုတော့ပါဘူး။ နောက်ဆုံး ဘ၀ ပရိနိဗ္ဗာန်ဝင်စံတဲ့ဘ၀ပါ။ ဒါနဲ့ အရှင်ဘုရား ဘယ်မှာသီတင်းသုံးလဲ ဘုရား။”
“စင်ကူပူကျောင်းတိုက်မှာပါဘုရား။ တပည့်တော် ဖတ်ဖူးတဲ့ကျမ်းတခုမှာ ပါရာဇိကဏ် အဌကထာကျမ်း မှာဖွင့်ပြထားတာလေး ဖတ်မိလို့ပါ၊”
“မှန်ပါ ဘယ်လိုလဲ ဘုရား။”
“ဗုဒ္ဓရူပံပဿန္တော သတ္တဒီဝသနီအက္ခီပူဇံနာမအကာသိ ။ ။အနက်ကား ၊ ဗုဒ္ဓရူပံ ၊ ဘုရားရှင်၏ဗျာဒိတ်ရူပါရုံကို ၊ ပဿန္တော ၊ ကြည့်ရှုလျှက် ၊ သတ္တဒီဝသနီ ၊ ခုနှစ်ရက်ပါတ်လုံး ၊ အက္ခီ ၊ မမှိတ်သောမျက်စိဖြင့် ၊ ပူဇံနာမ ၊ ပူဇော်ခြင်းအမှုကို ၊ အကာသိ ၊ ပြု၏ ။ ။ဤကဲ့သို့ပိဋကတ်ကျမ်းဂါန်တို့၌ ၊ ဂေါတမသည် ဘုရားရှိခိုး ကြောင်းကို ပြပါလျှက်နှင့် အမှန်ကို မယုံကြည်လိုသော သူတို့ကိုယ်တိုင်ကလည်း ပိဋကတ်ကိုမစစ်ဆေးဘဲနှင့် ၊ လွှဲရှောင်၍ ပြောကြသည်မှာ ၊ ဂေါတမသည် ဘုရားရှိခိုးသည်မဟုတ် ။ ညောင်ပင်နှင့် ပလ္လင်ကိုသာရှိခိုးသည်ဟူ၍ ငြင်းဆိုကြ သည်များမှာ မစဉ်းစား ပြောဆိုခြင်း ဖြစ်သည် ၊ အဘယ့်ကြောင့် ဆိုသော် ၊ ၎င်းညောင်ပင်နှင့် မြက်ခင်းနေရာ ပလ္လင်သည် ၊ ဂေါတမ အတွက် အဘယ်အရာများ ကျေးဇူးပြု၍ ရှိခိုးစရာအကြောင်း ရှိပါသနည်း ။ ညောင်ပင်နှင့် မြက်ခင်းနေရာ သည် ဂေါတမထက်ပင် သာနေလို့လား။ ဤကဲ့သို့ ဂေါတမ ဘုရားရှိခိုးကြောင်းကို ပိဋကတ်ကျမ်းတို့က ပြဆိုသောကြောင့် ။ ဂေါတမထက် ကြီးမြတ်တော်မူသော ဘုရားသခင်ရှိကြောင်းကို သိစေဘို့ရန် စစ်ဆေး၍ ပြလိုက်သည်။”
“ပါဠိလဲ မှားပါတယ်။ အနက်ပေးလဲ မှားပါတယ်။ မူရင်းပါဠိမှာ ဗုဒ္ဓပူဇံ ပဿန္တော သတ္တ ဒိဝသာနိ အက္ခိပူဇံ နာမ အကာသိ။ ဗုဒ္ဓပူဇံ- မြတ်ဗုဒ္ဓဆင်းတုတော်ကို၊ ပဿန္တော- ရှု့လျှက်၊ သတ္တ ဒိဝသာနိ- ခုနှစ်ရက်တို့ပတ်လုံး၊ အက္ခိပူဇံ နာမ- မျက်စိ၏ ပူဇော်ခြင်းမည်သည်ကို၊ အကာသိ-ပြုပြီ။ ဒီပါဠိရဲ့ ဆိုလိုရင်းက-တတိယသင်္ဂါယနာတင် သိရီဓမ္မာသောက မင်းကြီးက ဘုရားရှင်ကို ဖူးမြင် ချင်တဲ့ အတွက် တစ်ကမ္ဘာပတ်လုံး အသက်ရှည်တဲ့ ကာဠ နဂါးမင်းကြီးကို မြတ်သောနေရာမှာ နေစေပြီး မြတ်ဗုဒ္ဓရဲ့ ပုံတူကို ဖန်းဆင်းခိုင်းပါတယ်။ အဲဒီ နဂါးမင်းကြီး ဖန်တီးတဲ့ နိမ္မိတ ရုပ်ပွားတော်ကို ခုနှစ်ရက်ပတ်လုံး ဖူးမျှော်ပြီး နေတာကို ရှင်းပြတာ ဖြစ်ပါတယ်။ ဒီပါဠိကို ပြည့်ပြည့်၀၀ နားမလည်ဘဲ ငြင်းခုံလိုတဲ့ အတွက် ခုလို ကိုယ်လိုချင်သလို ရေးထားခြင်းလို့ ထင်ပါတယ်။”
“အရှင်ဂေါတမက ဘယ်နေ့မှာ မွေးလဲ သိနိုင်မလား ဘုရာ့၊ တပည့်တော်က ကြာသပတေး၊ နောက်တဦးက ဗုဒ္ဓဟူး ငြင်းခုန်နေကြလို့ပါ။”
“မြန်မာလို မဟာသက္ကရာဇ် ၆၈ ခု ကဆုန်လပြည့် သောကြာနေ့ပါ။”
“ဂေါတမ ပွင့်ခဲ့တာ BC 500 နီးပါးလောက်ဆိုတာပဲ ခန့်မှန်းနိုင်ကြတယ်။ အရှင်ဘုရားက ဘာလို့ အတိကျပြောနိုင်တာလဲ၊ လွန်ခဲ့သော ခရစ်တော်မပေါ်မှီ ဗုဒ္ဓပွင့်ခဲ့ရာ အိန္ဒိယမှာ သေချာ တဲ့ ပြက္ခဒိန်ရှိခဲ့လို့လား ဘုရား။”
“ယခု ပြောသည်မှာ မြန်မာသက္ကရာဇ်ဖြင့် ပြောခြင်းဖြစ်ပါတယ်။ အကယ်၍ ဘီစီတို့ဖြင့် ပြောလျှင်လဲ အတိအကျ ရှိပါတယ်။ အွန်းလိုင်းတို့မှာ ရှာဖွေနိုင်တယ်။ သာသနာ (၂၅၀၀) ၊အင်္ဂလိပ်လို ရေးသော စာပေတွင်လဲ ကြည့်ရှုနိုင်ပါတယ်။”
“သာသနာခေတ်တုန်းက ယခုကမ္ဘာသုံး ပြက္ခဒိန်နှင့် ဘာလို့ ကွတ်တိဖြစ်နေ ရတာလည်းဘုရာ့၊ ပြက္ခဒိန်ဆိုတာ တိကျအောင် သေချာလုပ်ခဲ့ရတယ်ဆိုတာ အရှင်ဘုရားသိပါလိမ့်မယ်။”
“ရှိခဲ့သည် ထင်ပါတယ်။ သမိုင်းရေးသော မဟာယာန ထေရ၀ါဒတို့အားလုံး လက်ခံသည့်နှစ်များ တူနေပါတယ်ဘုရား။”
“အခုမှ ပြက္ခဒိန်ရဲ့ သက်တမ်းက 2012 ပဲ ရှိသေးတယ်။ တကယ်လို့ ရှိခဲ့မည်ဆို လျှင်လည်း တိကျနိုင်မည်မဟုတ်ပါ။ ထို့ကြောင့် သောကြာနေ့ ဆိုသည်မှာ မဖြစ်နိုင်ပါ။ ”
“ယခု ပြက္ခဒိန် နှစ် နှင့် သာသနာ နှစ် ရေတွက်ပုံ ကွာခြားပါတယ်။ ဘိုးတော် အဉ္ဇန မင်းရဲ့ သက္ကရာဇ် တို့ကို ဖြိုခွင်းခဲ့ပြီးမှ စ၍ ရေတွက်သော နှစ်တို့ဖြစ်ပါတယ်။ ရေတွက်ပုံ တို့ကို အထောက်အာထား ခိုင်းလုံစွာဖြင့် ရှင်းပြထားပါတယ်။ အရှင်ဘုရား လေ့လာ လိုလျှင် မြန်မာ သမိုင်းပညာရပ် စာပေ တို့တွင် လေ့လာနိုင်ပါတယ်။”
“မှန်ပါတယ်။ အဲဒီအချိန် တုန်းက ကြာသပတေး သောကြာ တနင်္လာ ဟုသုံးခဲ့ ပါ့မလား။”
“ထားပါလေ။ အရှင်ဂေါတမက အလုံးစုံကို သိမြင်နိုင်တယ်ဆိုတာ အမှန်ပဲလား ဘုရား။”
“အရှင်ဘုရား ဗုဒ္ဓဘာသာမှန်လျှင် ယင်းမေးခွန်းကို မမေးသင့်ပါဘုရား၊ အရှင်ဘုရား စာပေတို့ကို သင်ကြားနေသူမှန်လျှင် မှန်းဆ ယုံကြည်နိုင် ပါမည်ဘုရား၊ တပည့်တော်မဖြေလိုပါ။”
“တောင်းပန်ပါသည် ဘုရား။”
“တပည့်တော်တို့၏ ပုထုဇဉ် ဥာဏ်ဖြင့် လက်လှမ်းမမှီသော အရာတို့ ဖြစ်ပါတယ်။ မြတ်ဗုဒ္ဓက မျက်ကန်းမယုံခိုင်းပါ၊ ကိုယ်တိုင် ကျင့်ကြံ လက်တွေ့ သိမှ ယုံကြည်ရန် ဟောထားပါတယ်။ ကာလာမသုတ် ကိုလဲ ဖတ်ရှုနိုင်ပါတယ်။”
“ပိဠကတ် ကျမ်းမှာပါတဲ့ မြင့်မိုရ်တောင်ဆိုတာ တကယ်ရှိပါ့မလား။”
(ပိဋကတ် ဟု မမေးဘဲ ပိဠကတ် ဟု မေးပါသည်။)
“မြင့်မိုရ်တောင် ပြဿနာ အငြင်းပွားခဲ့တာ နှစ်ပေါင်း ကြာခဲ့ပါပြီ ၊အရှင်ဘုရား ပြည့်စုံစွာ သိလိုလျှင် ထီးချိုင့် တည်တော်ဆရာတော်ကြီးရဲ့ ဗုဒ္ဓ၀ါဒဆိုင်ရာ အမေးအဖြေများမှာ ရှာဖွေ ဖတ်ရှု့နိုင်ပါတယ်။ (၆) တွဲတောင် ရှိပါတယ်။ dhammadownload.com မှာ ဒေါင်းလွတ်ဆွဲပြီး ယူနိုင်ပါတယ်။ ချမ်းမြေ့ ဆရာတော်၏ အမေးအဖြေများကိုလဲ ဖတ်ရှုပါ။ အားလုံး ကို သေချာစွာ ဖြေရှင်းပြထားပါတယ်။”
“နောက်ပြီး ဂေါတမမြတ်စွာဘုရားက သူကိုယ်တိုင်က သူ့ကိုသူ ဘုရားပါလို့ မဖွင့်ဟခဲ့ဘူး။ ဒါကို လူတွေက ဘာလို့ကိုးကွယ်နေရတာပါလည်းဘုရား။ ဂေါတမနဲ့ မျိုးနွယ် ဖြစ်တဲ့ဟိန္ဒူတွေကတောင် ဂေါတမကို ဇာတ်နိမ့် ဆိုပြီး မကိုးကွယ်ကြဘူး။ ယနေ့ ကမ္ဘာမှာ ဗုဒ္ဓဘာသာ သန်း ၃၅၀ ရှိတယ်လို့ သိရှိရတယ်။”
“မြတ်ဗုဒ္ဓ သူ့ကိုယ်သူ ဘုရား ဟု အကြိမ်များစွာ မိန့်မှာပါသည် အရှင်ဘုရား။ စာပေတို့ကို သေချာ ဖတ်ရှု့လေ့လာပါအုံး။”
“ခေတ္တစောင့်ပါဘုရား။ တပည့်တော်ကျမ်းတစ်အုပ်မှာ မှတ်ထားပါတယ်။ ထယူလိုက်ပါဦးမယ်ဘုရာ့။ ”
“ဇာတ်ခွဲခြားမှု မှာ အိန္ဒိယ ရှေးရိုးရာ အစွဲဖြစ်ပါတယ်။ ယခု ခေတ် အဲဒီလောက် အများစု မစွဲကြတော့ပါ။ တပည့်တော် ခု အိန္ဒိယမှာ နေတာ ၅ နှစ်ကျော်ပါပြီ။ ဇာတ်နှင့်ပတ်သက်၍လည်း ဖြေရှင်းစရာ မရှိပါ။ ဘုရားရှင်ကိုယ်တိုင် စာပေ တို့တွင် များစွာ ဖြေရှင်းခဲ့ပြီးပါပြီ။”
“ပိဠကတ် ကျမ်းဆိုတာ ဘုရားရှင်ဟောပြောခဲ့တဲ့ တရားတွေကို ရေးသားထားတာ လား၊ ဒါမှမဟုတ် ကျမ်းများစွာကို စုဆောင်းပြီး တူရာတွေကိုေ ရးသားထားတာ လား။ နောက်ပိဠကတ်ကို ဘာကြောင့် အကြိမ်ကြိမ် ပြန်လည်ပြုပြင်နေရပါသလဲ။”
“ပိဋကတ်ကျမ်းဆိုတာ ဘုရားရှင် ဟောပြောခဲ့တဲ့ တရားတွေကို မူရင်းအတိုင်း တူရာအုပ်စုအလိုက် စုစည်းပြီး ရေးထားတာပါ။ တစ်ခါမှ မပြင်ခဲ့ပါ။ ပြင်ဆင်သည်မှာ မဟာယာန က ပြင်ပါတယ်။ ထေရ၀ါဒမှာ တစ်ကြိမ်တစ်ခါမှ မပြင်ဘူးပါ။ တပည့်တော် ကိစ္စလေးတွေ ရှိနေပါသေးတယ်။နောက်မှ ဆက်လက်ဆွေးနွေး ကြသေးတာပေါ့ ဘုရား။”
“တင်ပါ့ဘုရား၊ တပည့်တော် သိရှိသည်မှာ ပိဠကတ် ၃ ပုံက ထေရ၀ါဒ ဖြစ်ပါတယ်၊ ၄င်းကို ပြင်ဆင်ထားသည်ကိုတွေ့ရှိသောကြောင့် မေးမြန်းခြင်း ဖြစ်ပါတယ်။ နောက်များမှပဲ ဆွေးနွေးပါ့မယ်ဘုရား။ စိတ်ရှည် ဖြေကြားပေးတဲ့အတွက် ကျေးဇူးတင်ပါတယ်။”
“အရှင်ဘုရားကို နှိမ့်ချပြောဆိုသည်မဟုတ်ပါ ။ အရှင်ဘုရား ထေရ၀ါဒ စာပေ များကို ဖတ်စေချင်ပါတယ်။ တစ်ချို့ မေးခွန်းတို့မှာ သာသနာဝန်ထမ်း ရဟန်း တစ်ပါးအတွက် သိခဲ့ရပြီးဖြစ်မည့် မေးခွန်းများပါ။ စာပေတို့ကို လေ့လာပါဟုသာ လျှောက်ထားလိုပါသည်ဘုရား။”
တစ်ခုလောက် လျှောက်တင်ချင်လို့ ဟု စကားပလ္လင်ခံကာ မေးခဲ့သော မေခွန်းများကား များပြားလှပေသည်။ မောင်မင်းကြီးသား၏ ကောင်းမှုကြောင့် ဤအရှင်၏ တန်ဖိုးရှိသော အချိန်များထဲမှ (၄၅)မိနစ်ခန့်မျှ ပေးဆပ်လိုက်ရပြီး အတန်းလည်း နောက်ကျခဲ့သည်။ စကားဖြတ်ခဲ့သောကြောင့်သာ။ သို့မဟုတ်လျှင် မည့်သည့်မေးခွန်းများ ရောက်လာအုံးမည် မသိပေ။
မိမိကိုယ်ကို ရဟန်းတစ်ပါးဟု ၀န်ခံပြောကြားလာသော ဤသူအား နောက်တစ်ခါတွေ့လျင် ၀ိနည်းနှင့်ပတ်သက်သော မေးခွန်းများ မေးမြန်းကြည့် အုံးမည်ဟု စဉ်းစားမိသည်။ သို့သော် John Smithas ဟူသော အကောင့် ပိုင်ရှင်ကား ဤအရှင်ကို ဘလော့ခ် သွားလေပြီ။ ဤအရှင်အတွက် သက္ကရာဇ်ရှင်းလင်းချက်-ဟူသော မက်ဆေ့ဂ်ျ တစ်ခုကို အွန်းလိုင်းမှ ရှာဖွေကာ ထားပေးခဲ့သည်။ ဤအရှင်စိတ်ထဲ စနိုးစနောင့် ဖြစ်ခဲ့ရသော်လည်း ဖေ့စ်ဘွတ်ခ်မှ ကံစမ်းမဲပေါက်လေခြင်းဟု ခံယူမိတော့သည်။
သိမ်မွေ့ဦး (BHU)
(၁၂-၀၉-၂၀၁၂)
သက္ကရာဇ်ရှင်းလင်းချက်
မဟာသက္ကရာဇ် ဆိုသည်မှာ ဘုရားမပွင့်မီက ဘိုးတော်အဉ္စနမင်း တည်ထားသော
သက္ကရာဇ်ကို ခေါ်သည်။
သာသနာတော်နှစ် ဆိုသည်မှာ ဘုရားပရိနိဗ္ဗာန်ပြုပြီးနောက် ပထမသင်္ဂါယနာ တင်သည့်နှစ် မှစ၍ ရေတွက်သောနှစ်ဖြစ်သည်။
မြန်မာသက္ကရာဇ် ဆိုသည်မှာ ပုပ္ပားစောရဟန်းမင်းလက်ထက် တည်ထားသော သက္ကရာဇ်ဖြစ်သည်။
ခရစ်နှစ် (ဘီ၊စီ) ဆိုသည်မှာ ခရစ်မပေါ်မီနှစ်ကို ခေါ်သည်။
ခရစ်နှစ် (အေ၊ဒီ) ဆိုသည်မှာ ခရစ်တော်ပေါ်ပြီးနှစ်မှစ၍ ရေတွက်သည်။
သာသနာသက္ကရာဇ်သည် မြန်မာသက္ကရာဇ်ထက် ၁၁၈၂ နှစ် ကြီးသည်။ ခရစ်သက္ကရာဇ်ထက်၅၄၄ နှစ် ကြီးသည်။
ခရစ်သက္ကရာဇ် (အေ၊ဒီ)သည် မြန်မာသက္ကရာဇ်ထက် ၆၃၈ နှစ် ကြီးသည်။
ထိုကြောင့် ဘုရားရှင်ပရိနိဗ္ဗာန်ပြုသောနှစ်ကို ခရစ်မပေါ်မီ ဘီစီ ၅၄၄ ဟု သာသနာ့သမိုင်းများက အတည်ပြုထားသည်။
ဒါတွေက တကယ်ရှိတာတွေပေါ့နော်။ တကယ်ဖြစ်ပျက်ခဲ့တာတွေ။ မှတ်တမ်း တွေလည်း အတိအကျရှိပါ့။ စိတ်ကူးယဉ် ကြံဆထားခြင်းမဟုတ်ကြောင်း အများနားလည် ကြပါတယ်။ ဒါက ဗုဒ္ဓဆိုတဲ့ ပုဂ္ဂိုလ်မြတ်ပဲပေါ့။