ထေရ၀ါဒ ဗုဒ္ဓဘာသာဝင် ဗမာလူမျိုးတို့သည်၊ ဘုရား တရား သံဃာ ရတနာမြတ်သုံးပါး တို့နှင့် ကုသိုလ်ကံ အကုသိုလ်ကံတို့၏ အကျိုးတရားတို့ကို အသက်ထက်ဆုံး ယုံကြည်ကြ ကုန်သည်။ မြတ်စွာဘုရားရှင်သည် ချစ်သားအာနန္ဒာကိုခေါ်၍ မိန့်တော်မူသော စကားတော်မှာ ငါဘုရားမရှိသည့် နောက်ပိုင်း ဖူးမျှော်စရာ သံဝေဇနိယလေးဌာန ရှိလိမ့်မည်၊ သွားရောက်၍ ကုသိုလ်ကောင်းမူတို့ကို ပြုလုပ်လျှင် အပါယ်လေးပါးမှ လွတ်မြောက်၍ လူ နတ် နိဗ္ဗာန် သုံးတန်သော သုဂတိဘ၀သို့ ရောက်ရှိကြောင်း မိန့်တော်မူခဲ့သည်။
ထို့ကြောင့် ဗမာလူမျိုးတို့သည် ဘုရာပွင့်ရာ သံဝေဇနိယလေးဌာနသို့ ဘုရားဖူး သွားရလျှင် လောကီချမ်းသာ လောကုတ္တရာချမ်းသာကို ရမည်ဟု အလေး အနက် ယုံကြည်ကြ၍ လာရောက် ဖူးမျှော်ကြပေသည်။ သို့အတွက်ကြောင့် ဘုရားလဲဖူး လိပ်ဥလဲတူးဟူသော စကားပုံကို လက်ကိုင်ထား၍ တပည့်တော်သည် ဘုရားပွင့်ရာ မဇ္ဈိမဒေသခေါ် အိန္ဒိယနိုင်ငံ ဗာရာဏသီမြို့ ဆန်စကရစ်တက္ကသိုလ်သို့ ပညာသင်ရန် ရောက်ရှိခဲ့သည်။
နေ၀င် လထွက် ဓမ္မစက် လမြတ်သံချို လ၀ါဆို ဟူသော ဒုတိယ ၀ါဆိုလပြည့်နေ့တွင် ဗာရာဏသီဆိုက် ဥက္ကဌ အရှင်နိပုဏလင်္ကာရ မှ ဓမ္မစကြာနေ့ အထိမ်းအမှတ် နေ့ဆွမ်း ဆက်ကပ်သဖြင့် ကြွေ၇ာက်သောအခါ လျှောက်ထားသံကိုကြားရလေသည်၊ ပညာသင် ရဟန်းတော် အရှင်သူမြတ်တို့ဘုရား ဘုရားတပည့်တော်တို့ ဗာရာဏသီဆိုက် ပညာသင်ရဟန်း တော်များစုပေါင်း၍ စာတမ်းဖတ်ပွဲ ကျင်းပပြုလုပ်မည် ဖြစ်ပါသောကြောင့် အရှင်ဘုရား တို့မှ စွမ်းနိုင်သလောက် စာစောင် များ ရေးပို့ပေးပါရန် ဗာရာဏသီ ဆိုက် ကျောင်းသား ဥက္ကဌ ဆရာတော် အရှင်နိပုဏလင်္ကာရ မှ လျှောက်ထားပေသည်။
ဆွမ်းစားပြီး ပညာသင်ရဟန်းတော်တို့သည် ဗာရာဏသီမြို့နှင့်၆မိုင်ခန့်ကွာဝေးသော မြတ်စွာဘုရား ဓမ္မစကြာတရား ဟောသော မိဂဒါဝုန်တော သို့ ကြွရောက် ၍ မြတ်စွာ ဘုရား သက်ရှိထင်ရှား ရှိသကဲ့သို့ ဓမ္မစကြာတရားဦး ဟောနေပုံကို အာရုံပြုလျှက် ကြည်ညိုစွာ ဓမ္မစကြာသုတ်တော်ကို ရွတ်ဖတ်ပူဇော် ကြလေသည်။ ပူဇော်ပြီးသည့်နောက် ထိုနေရာတို့ကို လေ့လာကြည့်သောအခါ မြတ်စွာဘုရား နှင့် ဘိက္ခူ-ရဟန်းတော် ဘိက္ခူနီ-ရဟန်းမများတို့ မှက် ခြင် ယင် နေ ကင်း မြွေ သန်း စသော ဘေးရန်းတို့ကို ကာကွယ် ၍ ချမ်းမြေ့စွာ သာသနာပြု သီတင်းသုံး နေထိုင်ရန် ရည်ရွယ် လှူဒါန်းသော ကျောင်းတိုက်ကြီးများ ရှိပေသည်။ ထိုကျောင်းတိုက်များမှာ နန္ဒိယသူကြွယ်ကျာင်းတိုက် ကုမာရဒေဝီကျောင်းတိုက်ကြီး နှစ်တိုက် တို့နှင့် သာသနိက အဆောက်အဦးတုိ့သည် ရှေးနှစ်ပေါင်းများစွာ ကာလကြာသောအခါ ရာသီဥတုဒဏ် မဂိုဘုရင်များ၏ လက်ထက်တွင် အတ္တ၀ါဒီပုဂ္ဂိုလ်တို့၏ အဖျက်အဆီးဒဏ် တို့ကြောင့် ပျက်စီးခဲ့ရလေသည်။
ထိုသာသနိကအဆောက်အဦးများမှာ အမှတ်အသား သဖွယ်ဖြစ်သော အုတ်ရိုးအုတ်ခုံ များသာ ကျန်၍ တွေ့မြင်ရလေသည်။
မြတ်စွာဘုရားရှင်သည် လေးသင်္ချေနှင့် ကမ္ဘာတစ်သိန်းတိုင်တိုင် ပါရမီတွေ ပြည့်ကျင့်ပြီး မှ မဟာဗောဓီ ညောင်ပင်အောက် အပရာဇိတခေါ် ပလ္လင်ပေါ်၌ သမ္မာသမ္ဗုဒ္ဓ ဘုရားအဖြစ်သို့ ရောက်တော်မူလေသည်။ ဘုရားအဖြစ်သို့ ရောက်တော်မူပြီး၍ မဟာဗောဓိပင်မှ မိဂဒါဝုန်တော သို့ ကြွတော်မူပြီး ပဉ္စ၀ဂ္ဂီ ၅ ပါးတို့အား တရားဦးဟောသော နေရာတို့သည်၊ ပကတိမရှိ ပျက်ဆီးနေတာကို တွေ့ရလေသောကြောင့် သြော် မြတ်စွားဘုရားပွင့်ရာ မဇ္ဈိမဒေသခေါ် အိန္ဒိယနိုင်ငံ သံဝေဇနိယလေးဌာနတွင် ပါဝင် မိဂဒါဝုန်တောကို အမှီပြု ၍ မိမိတုိ့၏ သား သမီး လင် မယား ဆွေမျိုး မိဘ အိုးအိမ်စသော သူတို့နှင့် ကျန်းကျန်းမာမာ ချမ်းချမ်းသာသာ ၅ပါးအာရုံ ကာမဂုဏ်တရားတွေကို အပြည့်အ၀ ခံစား စီးပွားရှာနေရှာကြကုန်သော ဗာရာဏသီမြို့ သူမြို့သား တို့ကို လေ့လာကြည့်သော် မြတ်စွာဘုရားရှင်၏ ပုံတော်တွေကို မရိုမသေ ဘောင်းဘီ အိပ်ထဲထည့် ရောင်းစားနေသည်တို့ကို တွေ့ရခြင်းလေသောကြောင့် ထိုသူတို့သည်၊ ဘုရားလည်း ကိုးကွယ်ရာကောင်းမှန်း မသိ၊ ဘုရားလည်း ကြည်ညိုရာ ကောင်းမှန်းလည်း မသိ၊ မြတ်စွာဘုရား၏ သံသရာ လွတ်ကြောင်းဖြစ်သော သစ္စာတရားကိုလည်း မသိ မကျင့်ကြံ မလေ့လာ မြတ်စွာဘုရား၏ တပည့် ဖြစ်တော်မူသော သံဃာတော် အရှင်သူမြတ်တို့ကိုလည်း မကြည်ညို မကိုးကွယ် ရတနာ သုံးပါးဆိုတာ ဘာမှန်းလည်းမသိ အကျိုးရှိအောင်လည်း မဆောင် သာသနာကိုတော့ မှီခို မကြည်ညိုသော ပုဂ္ဂိုလ်တို့ဖြစ်ပေသည် ။ ထိုအချင်း အရာတို့ကို တွေ့မြင်ရ၍ သံဃာရတနာ ဖြစ်ထွန်းရာ မိဂဒါဝုန်တော ဘုရားသာသနာ ကွယ်ရှာလေပြီပေါ့ မျက်ရေကျမလောက် ၀မ်းနည်းရပေသည်။
သုံးလောကထွဋ်ထား မြတ်စွာဘုရားရှင်သည် လုံ့လ၀ီရိယ မလျှော့သောဇွဲဖြင့် မိမိအကျိုးကို မလိုလား လောကသုံးပါး၌ သတ္တ၀ါတို့၏ အကျိုးစီးပွာ ဖြစ်စေခြင်းငှါ ကျင့်၍ ရတော်မူသော ပရိယတ္တိ ပဋိပတ္တိ ပဋိဝေဓခေါ် သာသနာတော်မြတ်ကြီးကို ဘယ်သူတွေ ထိန်းသိမ်းစောင့်ရှောက်သင့်ပါသနည်း ဟု စဉ်စားမိ၍ စာစောင်ရေးချင်စိတ် ဖြစ်သည်။ စာသင်သား ကလေးဘ၀က မြောင်းမြမြို့ပဇ္ဇော တာရုံပါဠိတက္ကသိုလ်ကျောင်းတိုက်ကြီး၏ ဦးစီးပဓာန နာယက ဘဒ္ဒန္တဥာဏိက အဂ္ဂမဟာပဏ္ဍိတ အင်္ဂလန်ဆရာတော်ဘုရား၏ သြ၀ါဒကို ပြန်လည် ကြားရောင်မိသည်။
ဗုဒ္ဓမြတ်စွာ သာသနာ၌
စာချ စာသင် များထေရ်ရှင်တို့
ဂန္ထဓူရ ကျင့်နှစ်ဝကို
ကျင့် ဆောင် ပွားများ
မှတ်သားနာယူ သဒ္ဓါဖြူ ၍
( သာသနာ တည်ဘို့ ကျင့်စေသော် +
မိမိ သူတစ်ပါး အတွက် ကျွတ်တန်းဝင်ဘို့ ကျင့်စေသော်…။ )
တပည့်တို့ ဘုရားသာသနာတော်မြတ်ကြီး အကျိုးအမြတ် ဖြစ်စေခြင်းငှါ မြတ်စွာဘုရား ပရိနိဗ္ဗာန် မပြုမှီ အရှင်မဟာကဿပ နှင့် အရှင်အာနန္ဒာ အမှူးရှိသော သံဃာတော် အရှင်သူမြတ်တို့ကို ခေါ်တော်မူ၍ မိန့်တော်မူ၏ ။
၁။ ချစ်သားတို့ ငါဘုရား သာသနာမှာ နေသမျှကာလပါတ်လုံးလာဘ်များကိုမျှော်ပြီး
မလိုချင် မတောင်းတကြကုန်နှင့် မစ္ဆရိယ ငါးပါးတို့ကို ရှောင်ရှားကြကုန်လော့၊
၂။ ချစ်သားတို့ ငါဘုရား သာသနာတော်တည်တန့်စေခြင်းငှာ အကျင့်ကောင်းဖြစ်
သော ဓူရနှစ်ဖြာတို့ကို ကျင့်ဆောင်ကြကုန်လော့၊
၃။ ချစ်သားတို့ သတ္တဝါတို့၏ အကျိုးစီးပွားကိုဖြစ်စေခြင်းငှာ ကျင့်ကြကုန်လော့၊
၎။ ချစ်သားတို့ မိမိအကျိုးစီးပွားကိုဖြစ်စေခြင်းငှာ ကျင့်ကြကုန်လော့၊
၅။ ချစ်သားတို့ ငါဘုရား မရှိသည့်နောက် ငါဘုရားသာသနာကို သာသနာတွင်းမှ နေကြ ကုန်သောပုဂ္ဂိုလ်တို့သည် ဖျတ်ဆီးကြကုန်လတ္တံ့၊ ဤ အတွက်ကြောင့် ငါဘုရား၏ ကိုယ်စားဖြစ်တော်မူသော အကျင့်ကောင်း အကျင့်မြတ်တရားတို့ကို ထိန်းသိမ်း စောင့်ရှောက် ကြကုန်လော့။
မြတ်စွာဘုရားရှင်သည် မိမိကိုယ်တိုင် တည်ထောင်ခဲ့သော သာသနာ တော်မြတ်ကြီးကို ကမ္ဘာ့အလယ်၌ တင့်တယ် ဝင့်ကြွား တိုးတတ် ပြန့်ပွားစေခြင်း အကျိုးငှာ အဓိကကျကျ စောင့်ရှောက်ရမည့် ပုဂ္ဂိုလ် တို့ကို ခေါ်စေ၍ မိန့်တော်မူ၏။
မှန်ပေ၏။ မြတ်စွာဘုရားရှင်သည် နေ့မနား ညမနား မလျှော့သော ဇွဲဖြင့် ကျင့်တော်မူ၍ရသော သာသနာတော်မြတ်ကြီးသည် ယနေ့ အချိန်ခါတွင် ကမ္ဘာ့အလယ် အနယ်နယ်အရပ်ရပ်၌ တိုးတက်ကြီးပွား ပြန့်ပွားသည် ဟု ထင်သရောင်ရောင် ရှိပေသည်။ သို့သော် အရင်း အမြစ်ကို သေသေချာချာ စုံစမ်း လေ့လာ သုံးသတ်ကြည့်သော အခါ မြတ်စွာဘုရား၏ သာသနာတော်မြတ်ကြီးသည် တိုးတတ်ကြီးပွား ပြန့်ပွားသည်ထက် ဆုပ်ယုတ်ပျက်စီးခြင်းကို ပို၍ ပို၍တွေ့ရပေသည်။
ဘုရားသာသနာတော်မြတ်ကြီး၏ ဆုပ်ယုတ် ဖျက်ဆီးခြင်းကို နောက်ကွယ်ရာ ၌ ပျက်စီးအောင် ပြုလုပ်သော တရားခံတို့သည် မည်သူဖြစ်ပါသနည်း။
ထို တရားခံတို့သည် ဘုရားသာသနာ ကို အမှီပြု၍ သာသနာပြုရာဝယ်-
၁။ ပရိယတ္တိသာသနာကို အကြောင်းပြု၍ မိမိအကျိုးစီးပွားကို ဆောင်၍ သာသနာကို ဖျက်ဆီးခြင်း၊
၂။ ပဋိပတ္တိသာသနာကို အကြောင်းပြု၍ မိမိအကျိုးစီးပွားကို ဆောင်၍သာသနာကို ဖျက်ဆီးခြင်း၊
၃။ ပဋိဝေဓသာသနာကို အကြောင်းပြု၍ မိမိအကျိုးစီးပွားကို ဆောင်၍ သာသနာကို ဖျက်ဆီးခြင်း။
စသော သာသနာ သုံး ရပ် ဟု ဆိုအပ်သော အကျင့်ကောင်း အကျင့်မြတ် တွေကို ခုတုံးလုပ်၍ သာသနာတော်ကို အရောင်တင် ဆေးဆိုး မျောက်ပြ ဆန်တောင်း သကဲ့သို့ ဘုရားသာသနာကို မငဲ့ကွက် လာဘ်များအောင်ဖန် ဘယ်သူပြောပြော ဘယ်သူဆိုဆို ဘယ်သူသေသေ ငတေ မာရင်ပြီးရော ဟု ပြုလုပ်ကြသူက ယနေ့ခေတ်တွင် ပို၍ ပို၍ များလှ ပေသည် ။
ထို အကြောင်းအရာတို့ကို သုံးသပ်လျှက် မြတ်စွာဘုရား၏ သာသနာတော်ကို ဘယ်သူဖျက်၍ ဘယ်သူထိန်းထိမ်း စောင့်ရှောင့် သင့်သနည်း ဝေဖန်သင့်ပေသည်။
ဗုဒ္ဓ သာသနာ နှစ်များစွာ ထာဝရ တည်ပါစေ ဆုတောင်းလျှက်-
ကျမ်းကိုးကား စာအုပ်များ-
၁။ အရှင်ဝိဇ္ဇာသီတဗောဓီ ဗုဒ္ဓပူဇာဝန္ဒနာကျမ်း၊
၂။ မြောင်းမြဆရာတော် သြ၀ါဒ။
အရှင်သာသန
M.A(Previous)
ဆန်စကရစ်တက္ကသိုလ်၊
ဗာရာဏသီ။
No comments:
Post a Comment