အိန္ဒိယ ရောင်စုံသင်္ကြန်

            မြန်မာနိုင်ငံတွင် အတာသင်္ကြန်နီးပြီဆိုပါက နေရာတိုင်းတွင် မရိုးနိုင်သော ခေတ်ဟောင်း သင်္ကြန်သီချင်းများ၊ အသစ်ထွတ်သင်္ကြန်သီချင်းတို့ကို ဆူညံစွာ ဖွင့်လေ့ရှိကြသည်။ ထိုအချိန်ရောက်လျှင် ပျိုမေတို့သည် ပိတောက်ပန်းတို့ကို ပန်ဆင်ပြီး တူးပို့တူးပို့ဖြင့် မြူးဖို့ အားခဲကြသလို ကိုလူပျိုတို့ကလည်း ရှာပုံတော်မင်းသားကြီး လုပ်ဖို့ စိတ်ကူးကြသည်။ လူကြီးပိုင်း နှင့် ဘာသာရေးတက်ကြွသူ လူငယ် တစ်ချို့တို့ကတော့ မန်းတော်ရိပ်နှင့် ကျောင်းတော်ရိပ်ကို ခိုလှုံဖို့ ပြင်ဆင်ကြလေသည်။ အမိမြေတွင် နှစ်သစ်ကူးခါနီးအချိန်ကို သတိမထားမိလျှင်မူ ဖွင့်နေကြသော သင်္ကြန်သီချင်းတို့ကြောင့် သင်္ကြန်နီးပြီဆိုသည်ကို သတိရမိကြလေ၏။

    ယခုဆိုလျှင် မိမိအနေဖြင့် မြန်မာသင်္ကြန်နှင့် ဝေးခဲ့သည်မှာ ငါးနှစ်ပင်ကျော် ခဲ့ပေပြီ။ မြန်မာသင်္ကြန်ထက် စောစီးစွာ ကျရောက်လေ့ရှိသည့် အိန္ဒိယသင်္ကြန်(Holi) ကိုတော့ နှစ်စဉ်တွေ့ကြုံနေရသည်။ မြန်မာလူမျိုးပေမို့ မြန်မာအတာသင်္ကြန်ကို နှစ်သစ်စွာ ခံစားမိသော်လည်း အိန္ဒိယသင်္ကြန်ကိုတော့ ခံစား၍မရပေ။ သူတို့၏ သင်္ကြန်သည်ကား မြန်မာသင်္ကြန်ကဲ့သို့ ကဗျာမဆန်ဟု ထင်သည်။ ပွဲတော်ရက်နီးလာသည့်တိုင် သင်္ကြန်သီချင်းတို့ ဖွင့်သံကို မကြားရပေ။ သို့သော်လည်း မြို့ရွာတိုင်း၏ လမ်းဘေး၊ လမ်းလေခွ အဆုံတို့၌ ထင်း၊ အမှိုက်၊ နွားချေးခြောက်များ မီးရှို့ရန် စုပုံထားကြပြီဆိုလျင် သင်္ကြန်နီးပြီဆိုသည်ကို သိနိုင်ပေသည်။ 

        သင်္ကြန်မရောက်မှီ တစ်ရက်အလို ညပိုင်းတွင် ထိုစုပုံထားသည့်ထင်းတို့ကို မီးရှို့ကြသည်။ ၂၀၁၃-ခုနှစ် အိန္ဒိယပြက္ခဒိန်အရ ယနေ့(၂၆-၀၃-၁၃)ည နေ၀င်ပြီးသည့် အချိန်တွင် ထိုမီးရှို့ပွဲကို ရိုးရာမပြတ် ပြုလုပ်ကြမည်ဖြစ်ပြီး မနက်ဖြန် (၂၇-၀၃-၁၃) ရက် နံနက်ခင်းစောစောအချိန်မှ စတင်၍ ရောင်စုံတို့ကိုသုပ်လိမ်းကြမည့် သင်္ကြန်ပွဲတော်ကြီးကို ကျင်းပကြပေမည်။

         သင်္ကြန်မတိုင်ခင် အဘယ်ကြောင့် ထင်းမီးရှို့ပွဲကို ပြုလုပ်ရသနည်းဟု မိမိလက်လှမ်း မိသလောက် သမိုင်းကြောင်းတို့ကို ရှာဖွေကြည့်မိသည်။ ဒဏ္ဍာရီဆန်သည့် ပုံပြင်တို့ဖြင့် သမိုင်းဇာတ်ကြောင်း များစွာတို့ကို တွေ့ရသည်။ ယင်းဇာတ်ကြောင်းတို့အနက် အများ လက်ခံယုံကြည်ကြသည့် ဇာတ်ကြောင်း တစ်ခုကို တွေ့ရသည်။ ယင်းမီးရှို့သည့်ပွဲကို Holika Dahan ပွဲ ( တစ်နည်းအားဖြင့်) Chhoti Holi ပွဲဟု ခေါ်သည်။ 

          တစ်ရံရောအခါ ဤကမ္ဘာဝယ် ဟိရညကဿပ (Hiranyakashyap)ဟု အမည်တွင်သည့် ဘီလူးကြမ်းကြီး တစ်ကောင် အုပ်စိုးဘုရင်ပြု၏။ ထိုဘီလူးဘုရင်သည် သူ့ကိုယ်သူ နတ်ဘုရားဟု သိစေကာ ကိုးကွယ်စေပြီး အခြား ဗိဿနိုး (Vishnu) ကို မကိုးကွယ်ရန် ပညတ်ထား၏။ ထိုပညတ်ချက်ကို သူ့၏ သားအရင်းဖြစ်သည့် ပရဟလာဒ (Prahlad) ကား မလိုက်နာပေ။ ဗိဿနိုးကိုသာ ကိုးကွယ်လေ၏။ ထိုအချင်းအရာကို ဖခင်ကြီး သိသောအခါ စိတ်ဆိုးပြီး သတ်စေ၏။ နတ်ဘုရား၏ တန်ခိုးတော်ကြောင့် မိမိ၏သားကို သတ်လို့မရပေ။ ထိုအခါ ဟိရညကဿပ ဘီလူးသည် သူ၏ ညီမအရင်း ဟောလိက (Holika) ဘီလူးကြမ်းမကြီးကို အကူအညီ တောင်းလေ၏။ 

        ထိုဟောလိက ဘီလူးမသည်ကား မီးပြီးသော စွမ်းအားရှိသည်။ ထိုကြောင့် ပရဟလာဒ သားငယ်ကို ဟောလိက ရင်ခွင်တွင် ထိုင်စေကာ တုတ်နှောင်ပြီး မီးရှိုးသတ်ကြသည်။ နတ်ဘုရား၏ တန်ခိုးတော်နှင့် စောက်ရှောက်မှုကြောင့် သားငယ် ပရဟလာဒကို မီးမလောင်ဘဲ မီးပြီးသော ဟောလိကသာ မီးလောင်သေလေ၏။ နောင်သောအခါ ဆိုးသွမ်းသော ထိုဘီလူးမင်းကို နတ်ဘုရားတစ်ပါးက အပြစ်ပေးကာ သတ်လိုက်လေ၏။ ဤသမိုင်းကား အများလက်ခံကြသည့် ဇာတ်ကြောင်းဖြစ်သည်။ အခြား ရာဓ (Radha) နှင့် ကရိရှန (Krishna) တို့၏ နက်ရှိုင်းသော ချစ်ခြင်းမေတ္တာကို ပြသည့်ပွဲတော် စသည်ဖြင့် သမိုင်းဇာတ်များစွာ တွေ့ရပေသည်။

       ထိုမီးရှို့ပွဲတွင် ရေတစ်ခွက်ကို ကိုင်ကာ လောင်းရမည် စသည်ဖြင့် စည်ကမ်းချက်တို့ ရှိသည်။ ကလေးရုပ်ကို ရင်ခွင်၌ ပွေ့ထားသော ဘီလူးမရုပ်ကို ထင်းတို့၏ အလည်မှာ ထားလျှက် မီးရှို့ကြသည်ကိုလည်း တွေ့ရသည်။ အချို့နေရာတို့မှာ သာမန်ပူဇော်ကာ မီးရှို့ကြပြီး အချို့ရပ်ကွက်တို့မှာတော့ ယင်းဇာတ်ကြောင်းအတိုင်း ရိုးရာဝတ်စုံတို့ကို ၀တ်ဆင်ကြကာ ပူဇော်ကြသည်။ ထင်းရှားပါးသောကြောင့် နွားချေးခြောက်များ၊ အမှိုက်များ၊သစ်ကိုင်းစများတို့ကို စုပုံ ရှို့ကြသည်။ 

         အထိမ်းအမှတ်မှာ မကောင်းမှုတို့ကို ကျော်လွန်ပြီး ကောင်းမှုတို့ အနိုင်ရသော အောင်ပွဲ၊ ဆန်းကျယ်သော မေတ္တာတရား၊ နတ်ဘုရား၏ စောက်ရှောက်မှုကို ပြသည်ပွဲ၊ မိစ္ဆာဘီလူးမ ကျရှုံးသောနေ့ စသည်တို့ကို ပြသခြင်းပင် ဖြစ်၏။ ရပ်ကွက်ထဲမှ မကောင်းဆိုးဝါးတို့ကို မီးရှိုးသောနေ့ဟု ဆိုလိုသည်ထင်၏။ မြန်မာနိုင်ငံမှ နှစ်ဆန်းတွင် ပြုလုပ်ကြသည့် အန္တရာယ်ကင်း ပရိတ်ရွက်ပွဲကဲ့သို ပွဲလေလောဟု စဉ်းစားမိသည်။ 

      ထိုပွဲပြီးလျှင် နောက်တစ်ရက် သင်္ကြန်ကျတော့သည်မို့ ထိုပွဲက မြနန္ဒာသီချင်းဖြင့် သင်္ကြန်ပွဲကို ဖွင့်လှစ်ပေးသကဲ့သို့ ရှိသည်။ အိန္ဒိယသင်္ကြန်လည်း မြန်မာသင်္ကြန်ကဲ့သို စည်ကားပါသည်။ ရောင်စုံ အမှုန့်တို့ကို တစ်ယောက်နှင့် တစ်ယောက် သုတ်ကြပြီး ရေလောင်းကြသည်။ အမျိုးသားတို့က တစ်ယောက်နှင့် တစ်ယောက်ကို ရွံ့ဗွက်တို့ထဲ ဆွဲချကြကာ အင်္ကျီတို့ကို ဖြဲကြသည်။ အသက်အရွယ်မရွေး မိသားစု အားလုံး ပျော်ကြသည်မို့ စိတ်ဆိုးလို့မရပေ။

           မြန်မာသင်္ကြန်ကဲ့သို့ပင် အတာရေဖြင့် ဆေးသည်ကို ကျေနပ်စွာ ခံယူကြရသည်။ ထိုသင်္ကြန်ပွဲကို ဆောင်းအကုန် နွေဦးကာလမှာ နှစ်စဉ်လို ကျင်းပလေ၏။ တစ်ယောက်နှင့် တစ်ယောက် ဆေးမှုန့်တို့ကို သုတ်လိမ်းရခြင်းမှာ ဆောင်းအကုန် နွေအကူးကာလတွင် လူတို့သည် ပျင်းရိတတ်ကြသည်။ သီချင်းကိုပင် အသံကျယ် ကျယ်ဖြင့် မဆိုချင်ကြဟူ၏။ ထိုပျင်းရိမှုများ ပပျောက်ပြီး အင်အားအသစ်များ ရရှိစေရန်အတွက် စင်ကြယ်လန်းဆန်းသော ဆေးအမှုန့်များဖြင့် သုတ်လိမ်းကြသည်ဟူ၏။ 

       တစ်ကျောင်းတစ်ဂါထာ တစ်ရွာတစ်ပုဒ်ဆန်း ဟူသကဲ့သို သူ့ဓလေ့နှင့် သူတော့ ဟုတ်နေပေ၏။ တရားဝင် သင်္ကြန်ကျောင်းပိတ်ရက် မှာ မတ်လ ၂၆၊၂၇၊၂၈ သုံးရက်သာ ဖြစ်သော်လည်း တက္ကသိုလ်အသီးသီးရှိ ဆရာများရော ကျောင်းသား၊ ကျောင်းသူများပါ ကိုယ့်ရပ်ကိုယ့်ရွာ ပြန်ကြသည်မို့ (၁၀)ရက်ကျော် ကျောင်းပိတ်လေသည်။ ကျောင်းသား၊ ကျောင်းသူများက ရပ်ရွာမပြန်ခင် မိမိတို့စာသင်ခန်းထဲ ကြိုတင် သင်္ကြန်ကျကြ သောကြောင့် လွန်ခဲ့သည့် လေးရက်ကတဲက သူတို့၏ ခေါင်းတို့တွင် ရောင်စုံတွေ ဖြစ်နေခဲ့ကြသည်။

         မိမိအနေဖြင့် ယခုနှစ်အိန္ဒိယသင်္ကြန်ရက်အတွင်း မိမိ၏အခန်းတွင်း၌သာ နေဖို့ စဉ်းစားထားသည်။ ယခင်နှစ်က သင်္ကြန်ရက်အတွင်း ဘုမသိဘမသိ အပြင်ထွတ်မိသည်မို့ ဂုရုကြီး ဟတ်ပီး ဟောလီး ဟု အော်ကြကာ သုတ်လိုက်၊ လောင်းလိုက်ကြသည်မှာ တစ်ကိုယ်လုံး ရောင်စုံပွင့်သွားခဲ့သည်။ ယနေ့သည် အိန္ဒိယ ပြက္ခဒိန်အရ လပြည့်နေ့ဖြစ်သည်။ ဤနိုင်ငံ၏ ပြက္ခဒိန်အရ ယနေ့သည် လပြည့်နေ့ဖြစ်သကဲ့သို့ မြန်မာပြက္ခဒိန်အရလည်း တပေါင်းလပြည့်နေ့ဖြစ်သည်။ 

         ယနေ့ဆိုလျှင် ရန်ကုန်မြို့ မဟာပါသာဏ လှိုင်ဂှုကြီးဘေးတွင် ကံကော်ပန်းတို့ ကြိုင်လှိုင်စွာ ပွင့်နေပေမည်။ လှိုင်ဂူကြီးထဲတွင် ဘွဲ့တံဆိပ်ဆက်ကပ်ခံယူကြမည့် ဆရာတော်ကြီးများ၏ ပုံရိပ်ကို မြင်ရောင်ကာ ကြည်ညိုမိသည်။ ကမ္ဘာသာသနာပြု ဆရာတော် သီတဂူ ဆရာတော်ကြီး၏ (၇၆)နှစ်ပြည့် မွေးနေ့ပွဲကိုလည်း ကျင်းပနေကြပေမည်။ နေရာအသီးသီးတွင် (၁၂)လရာသီ ပွဲတော်ထဲ ပါဝင်သည့် သဲပုံစေတီပွဲကို ပြုလုပ်ကာ ပူဇော်နေကြပေမည်။ အစားထိုးမရသော ဆုံးရှုံးမှုကြီးတစ်ခု ဖြစ်သည့် မစိုးရိမ်ဆရာတော်ကြီး၏ အန္တိမအဂ္ဂိဈာပန တရားပွဲကိုလည်း နာယူ နေကြပေမည်။ အားလုံးကို အဝေးမှ အာရုံပြုကာ ဖူးမျှော်မိသည်။ 

                                                           သိမ်မွေ့ဦး (BHU)
                                                           (၂၆-၀၃-၁၃)