အစွဲ နှင့် အလွဲ

 ယုတ်မာဆိုတောင်း၊ ကျင့်မကောင်းကို၊

 မှားကြောင်းတစ်စိ၊ သိလျှင်သိခြင်း၊ 

စွန့်ပယ်လျဉ်းလော့၊ အတင်းယူစွဲ၊ 

ဖားမြွေခဲသို့၊ အမြဲမှတ်သို၊ 

မစွန့်လိုက၊ ဤကိုယ်သုခ၊ နောင်မရဘူး။ 

( မဃဒေ၀လင်္ကာ) 

       ပုထုဇဉ်လူသားများ ဖြစ်ကြသော ကျွန်ုပ်တို့၌ မကောင်းသော အကျင့်လေးများ စွဲထုံ ပါလာတတ်ပေသည်။ ထိုအကျင့်များကို သတိထားမိပါက သိလျင်သိခြင်း ပယ်စွန့်နိုင်အောင် ကြိုးစား ကြရပေမည်။ ထိုသို့မဟုတ်ဘဲ အသေးအဖွဲ လေးတွေပါ၊ ပုထုဇဉ်တွေပဲဟာ စသော အကြောင်းပြတို့ဖြင့် မိမိကိုယ်ကို ငဲ့ညာကာ မစွန့်ပယ်ဘဲ နေကြပါက ထိုအကျင့်တို့သည် ထုံစွဲလာပြီး အချိန်ကြာလာသည်နှင့်အမျှ ထိုအကျင့်တို့ကို ပယ်စွန့်ရန် ခက်ခဲလှပေသည်။ ဥပမာအားဖြင့် မြွေသည် ဖားကို မြဲမြန်စွာ ခဲထားသကဲ့သို့ ထိုအကျင့်တို့ကို အတင်းစွဲထားပေတော့သည်။ ထိုအခါ ဆင်းရဲဒုက္ခ အမျိုးမျိုးတို့ကိုသာ ကြုံတွေ့ရပြီး ချမ်းသာသုခတို့ကို မရကြတော့ပေ။ ထိုအခြင်းအရာတို့ကို သတိပေးလိုသဖြင့် မာန်လည်ဆရာတော်ဘုရားကြီးက အထက်ပါကဲ့သို့ သတိပေးလင်္ကာ ရေး ထားခဲ့ပေသည်။

         အစွဲနှင့် အလွဲ သည် ယှဉ်တွဲ၍ နေကြပေသည်။ များသောအားဖြင့် အစွဲ၏ နောက်တွင် အလွဲလေးများ ယှဉ်တွဲပါလာတတ်ကြသည်သာ။ ကောင်းသည့်အရာကို စွဲမြဲရန် ခက်ခဲသော်လည်း မကောင်းသည့်အရာကို စွဲမြဲရန်ကား လွယ်ကူလှပေသည်။ ထိုကြောင့် သတိတရားဖြင့် ဆင်ခြင်စဉ်းစားကာ မကောင်းသည့် အကျင့်တို့ကို မစွဲလန်းမိစေရန် ရှောင်ကြဉ်ကြရပေမည်။

         ဒီရက်များအတွင်း အိန္ဒိယနိုင်ငံ၊ ဧလာဘတ်မြို့၏ မြောက်ဘက် ဂင်္ဂါမြစ်နှင့် ယမုနာမြစ်တို့ ဆုံဆည်းရာ ဆန်ဂန်( Sangam) ဟု အမည်ရသည့်နေရာတွင် မဟာကုမ်မေလာ(Maha Kumbh mela) ရေချိုးပွဲတော်ကို စည်ကားသိုက်မြိုက်စွာ ကျင်းပနေပေသည်။ ဟိန္ဒူဘာသာဝင်တို့၏ နိမိတ်ကောင်းဟု ယူဆကြသည့် ရှေးရိုးရာ ရေချိုးပွဲတော်ဖြစ်ပြီး သတင်းစာတို့နှင့် တီဗွီချန်နယ်တို့တွင် ထိုသတင်းများက အများစု နေရာယူနေပေ၏။ 

                                          ပွဲတော် ရေလာချိုးကြသည့် ဆာဒူးကြီးများ     
      ထိုသို့ ရေချိုးခြင်းဖြင့် မကောင်းမှုတို့ ကင်းစင်ပြီး ဘုရားသခင် ကယ်တင်ရာတွင် အထောက်အကူဖြစ်သည်ဟု ဟိန္ဒူ ဘာသာဝင်တို့က ယူဆနေကြ သည်ဟူ၏။ ပွဲတော်ကြီးမှုးကျင်းပသူတို့က ၅၅-ရက်ကြာ ကျင်းပမည့် ထိုရေချိုးပွဲတော်ကို လူသန်းပေါင်းတစ်ရာလောက် လာရောက်ကြမည်ဟု ခန့်မှန်းကြပြီး ဖွင့်ပွဲနေ့ ဇန်န၀ါရီ(၁၄ ) ရက်နေ့က လူ (၈) သန်း လာရောက် ရေချိုးကြသည်ဟု သိရပေ၏။ ယင်းပွဲတော် လုံခြုံရေးအတွက် ရဲပေါင်း တစ်သောင်းလေးထောင်၊ ပြည်သူစစ်၊ ကုမ်မလာ တပ်ဖွဲ့ဝင်တွေကို ဖြန့်ကျက်ထားပေ၏။ ထို့ကြောင့် တီဗီချန်နယ်တို့တွင် ကြာရှည်စွာ ရေစိမ်ချိုးနေ သူတို့ကို ပြန်တက်ခိုင်းနေသော ရဲများနှင့် ရေးချိုးလာသူများ တိုးဝှေ့နေကြ သည်တို့ကို မြင်ရပေသည်။ 

        ထိုပွဲတော်ကို သုံးနှစ်လျင်တစ်ကြိမ် Haridwar, Ujjaian, Nasik, Allahabad အရပ်တို့တွင် အလှည့်ကျ ကျင်းပခြင်းဖြစ်သည်။ နေရာတစ်နေရာတွင် ၁၂-နှစ်မှ တစ်ကြိမ် ကျရောက်ခြင်းဖြစ်သည်။ ဟိန္ဒူ ဆာဒူးကြီးများ၏ အဓိကရေချိုးရာ ပွဲတော်လည်း ဖြစ်ပေသည်။ ယခုနှစ် ပိုမို၍ ထူးခြားသည်မှာ ၁၄၄-နှစ်မှ တစ်ကြိမ်သာ ကျရောက်သည့် မဟာ ကုမ်မလာ ပွဲတော်ကြီးဖြစ်သည်ဟူ၏။ ထိုကြောင့် အလဟာဗာဒ်တွင် ကျရောက်သည့် ထိုပွဲတော်ကို လူများ ကြက်ပျံမကျ သွားရောက်နေကြသည်။ (၁၁-၀၂-၂၀၁၃)နေ့ သတင်းတွင် တံတားများလဲ ကျိုးကျပြီး လူအချင်းချင်းတက်နင်းမှုကြောင့် လူပေါင်း( ၃၆) ယောက် သေဆုံးသည်ဟု ကြေငြာသွားသည်။ 

         သတင်းထောက်တို့၏ သတင်းများအရ မြစ်ကမ်းခြေစ၍ သုံးကီလိုမီတာ အတွင်း လူပင်လည်ကြီး အဖြစ် တွေ့မြင်နေရသည်ဟု ဆိုပေ၏။ ဂင်္ဂါ နာမည်ကြီး ပွဲတော်တိုင်း ဤမြင်ကွင်းမျိုး တွေ့မြင့်နေကြမို့ ဂင်္ဂါမြစ်ကမ်းတွင် နေသော ကျွန်ုပ်အတွက် ထိုသတင်းသည် မဆန်းလှပေ။ ယင်းပွဲတော်တွင် ရေချိုးပြီးသူ အချို့တို့သည် နောက်လတွင် ကျရောက်မည့် ဗာရာဏသီ၊ ဂင်္ဂါပွဲတော်တွင် ဆက်လျက်ဆင်နွဲရေချိုးရန် အတွက် ခြေလျင်လျောက်လာနေကြသည်ဟုသိရပေသည်။ 

      သူတို့၏ စွဲမြဲနေသော ထိုအယူကို အပြစ်မပြောလိုသော်လည်း မြစ်ရေချိုးလို့ အကုသိုလ် ကင်းစင်သည်ဟူသော ထိုအယူအဆသည် တကယ်ပင် မှန်ကန်နိုင်ပါ မည်လားဟု တွေးမိကာ မိမိလက်လှမ်းမိသမျှ ဗုဒ္ဓစာပေနှင့်တော့ တိုင်းတာနေမိပေသည် ။ ကျွန်ုပ် မြင်ရသည့် ယခုလက်ငင်း အကျိုးအားဖြင့် အလုအယက်တိုးဝှေ့ကြရသောကြောင့် လူတွေ သေခဲ့ကြရပေပြီ။

    အခါတစ်ပါး မြတ်ဗုဒ္ဓသည် ရဟန်းတော်တို့အား စိတ်ညစ်ညူးခြင်းနှင့် စိတ်သန့်ရှင်းစင်ကြယ်ခြင်းသဘောတို့ကို ဟောကြားနေပေ၏။ ထိုအခါ ပရိသတ်ထဲတွင် သုန္ဒရိက ဘာရဒွါဇ ပုဏ္ဏားလည်း ရောက်ရှိနေခိုက်ဖြစ်၏။ ထိုပုဏ္ဏားက မြတ်ဗုဒ္ဓကို ဗာဟုကာမြစ်၌ ရေချိုးပါ သလားဟု မေးလျှောက်လေသည်။ မြတ်စွာဘုရားက ဗာဟုကာမြစ်တွင် အဘယ်ကြောင့် ရေချိုး ရမည်နည်း၊ ရေချိုးခြင်းကြောင့် ဘာအကျိုး ရှိပါသနည်း ဟု ပြန်လည်မေးသောအခါ ပုဏ္ဏားက ဗာဟုကာမြစ်သည် ကိလေသာတို့ကို ခေါင်းပါးစေတတ်သည်ဟု လူအများက သမုတ်ထားပါသည်၊ ကိလေသာကို စင်ကြယ်အောင် ပြုနိုင်သည်ဟု အယူရှိပါသည်။ လူတို့သည် မကောင်းမှုကို ပြုမိသည်ရှိသော် ဗာဟုကာမြစ်၌ ရေချိုးပြီး မျှောပြစ်ကြပါသည်ဟု လျှောက်ထားလေသည်။ 

      ထိုအခါ မြတ်စွာဘုရားက “ပုဏ္ဏား- သင်ပြောသည့်အတိုင်း မဖြစ်နိုင်ပါ၊ ဗာဟုကာမြစ်တွင် ရေချိုးခြင်းဖြင့် မကောင်းမှု မစင်ကြယ်နိုင်ပါ၊ အခြား သုန္ဒရိကမြစ်၊ သူရဿတီမြစ်၊ ဗာဟုမတီမြစ်တို့တွင် ရေချိုးခြင်းဖြင့်လဲ မကောင်းမှုကို မသုတ်သင်နိုင်ပါ။” “ပုဏ္ဏား- သင်သည် သန့်ရှင်းစင်ကြယ်ခြင်းကို အမှန်တကယ် အလိုရှိပါမူ ဤသာသနာတော်၌သာလျှင် ရေချိုးလော့။" " အကယ်၍ သင်သည် သူ့အသက်ကို မသတ်ဖြတ်အံ့၊ သူ့ဥစ္စာကို မခိုးယူအံ့၊ မဟုတ်မမှန် မပြောဆိုအံ့၊ ၀န်မတိုသူဖြစ်အံ့၊ ယုံကြည်မူ သဒ္ဓါတရားရှိသူ ဖြစ်အံ့၊ ထိုဗာဟုကာမြစ်သည် သင့်အတွက် ဘာပြုလုပ်ရန် လိုတော့သနည်း၊ ဂယာဆိပ်သို့ သွားခြင်းဖြင့် ဘာအကျိုးထူးနိုင်တော့မည်နည်း။”ဟု မိန့်ကြားလေသည်။ ယင်းနောက် ပုဏ္ဏားကြီး အမြင်မှန်ရကာ ရဟန်းဝတ်လေသည်။ 

         အခါတစ်ပါး ဆောင်းတွင်းကာလ ချမ်းအေးလှသည့် နံနက်ခင်း အချိန်တွင် မြစ်ထဲရေစိမ်ချိုးလျက် မကောင်းမှုကို မျှောနေသော ပုဏ္ဏားကြီး တစ်ယောက်ကို မြတ်စွာဘုရားက “ အကယ်၍ ရေချိုးခြင်းဖြင့်သာ မကောင်းမှုမှ စင်ကြယ်ပါက ရေထဲ၌နေသော ငါးလိပ်စသောရေသတ္တ၀ါတို့တွင် မကောင်းမှုမှ အမြဲစင်ကြယ်နေမည်ဟု သတိပေးပြီး စင်ကြယ်ရန်ပြုလုပ်နည်းတို့ကို ညွှန်ကြားခဲ့ပေသည်။ 

    ဤသည်ကား ကျွန်ုပ် လက်လှမ်းမိသော သတိရမိသည့် ဗုဒ္ဓစာပေအသိတို့ကို ထောက်ပြမိခြင်းဖြစ်သည်။ ဗုဒ္ဓ၏ မိန့်မှာချက်အရ မည့်သည့်မြစ်တွင်ဖြစ်စေ ရေချိုးပါစေ၊ ရေချိုးခြင်းဖြင့် မကောင်းမှုတို့မှ စင်ကြယ်မှု မရှိနိုင်သည်မှာ သေချာလှသည်။ ဟိန္ဒူဘာသာဝင်တို့ ယုံကြည်ကြသကဲ့သို့ မကောင်းမှုမှစင်ကြယ်သည်ဟု ကျွန်ုပ်လဲ လေးနက်စွာ ယုံကြည်မိလျင် ကောင်းပေမည်ဟု တွေးတောမိသည်။ 

                                        အခမ်းအနားတွေနဲ့ ရေချိုးဆင်းကြတယ်   
          အဘယ်ကြောင့်ဆိုသော် ရေချိုးပွဲ ကျင်းပနေသည့် အလဟာဗာဒ် (Allahabad) မြို့သည် ကျွန်ုပ်တို့ နေရာ ဗာရာဏသီနှင့် (၁၂၅)ကီလိုမီတာ၊ မိုင်အားဖြင့် (ရ၈)မိုင် ကွာဝေးပါသည်။ အကယ်၍သာ သူတို့ယုံကြည်ကဲ့သို့ ယုံကြည်မိပါက ပွဲတော်ရက် (၅၅)ရက်လုံး ထိုနေရာသို့သွားပြီး ရေစိမ်ချိုးကာ အကုသိုလ်တွေ မျှောပစ်လိုက်ချင်သည်။ ဂင်္ဂါမြစ်နှင့် ယမုနာမြစ်တို့ ပေါင်းစည်းရာ ထိုနေရာ၌ မြစ်ရေတို့ ကွဲပြားခြားနားနေတာ ကိုတော့ သတိမူမိသည်။ ဂင်္ဂါမြစ်ရေသည် အနဲငယ် နောက်ကျူပြီး ယမုနာမြစ်ရေကတော့ သန့်ရှင်းကြည်လင် စိမ်းမျှမျှ အရောင်ရှိသည်။

    စာရှုသူတို့ရော မည်ကဲ့သို ယုံကြည်ပါသနည်း။ အကယ်၍သာ သူတို့လို ယုံကြည်ပါက ပွဲတော်ရက်မပြီးသေး၍ သွားရောက်ကာ ရေချိုးနိုင်ပေသည်။ သို့ပေမဲ့ အစွဲနှင့်အလွဲ ဆိုတာလေးကိုတော့ သတိရစေချင်သည်။ 

                              သိမ်မွေ့ဦး (BHU)

                              ( ၁၅-၀၂-၁၃)